Adroddiad Blynyddol yr Ymddiriedolwyr 24/25
Cymdeithas y Cymod yng Nghymru
Crynodeb o’r Flwyddyn
Yn ystod y flwyddyn ariannol hon, mae ein helusen wedi parhau â’i hymrwymiad i hyrwyddo heddwch, cymod, empathi a chydweithrediad cymdeithasol.
Mae ein gwaith wedi cael effaith gadarnhaol ar gymunedau lledled Cymru ac wedi cyfrannu at gynyddu ymwybyddiaeth ynghylch gwerth heddwch, datrys gwrthdaro, a chydweithredu rhyngwladol.
Amcanion a Gweithgareddau
Pwrpas craidd yr elusen yw datblygu ac annog diwylliant o heddwch drwy addysg, digwyddiadau a chefnogaeth i unigolion ac sefydliadau sy’n gweithio dros heddwch. Yn ystod y flwyddyn, cynhaliwyd gweithdai, darlithoedd, a rhaglenni addysgol arlein ac mewn canolfannau cymunedol. Mae’r ymddiriedolwyr wedi sicrhau bod yr holl weithgareddau’n cydymffurfio â’r amcanion elusennol a’r ddeddfwriaeth berthnasol.
Cyflawniadau Allweddol
-
Hyrwyddo gweithgaredd prosiect - Heddwch ar Waith a gychwynodd yn 2023 gyda grant sylweddol gan y Joseph Rowntree Charitable Trust
-
Cefnogi gwylnosau cymunedol
-
Codi ymwybyddiaeth am faterion byd-eang
-
Cydlynu gweithgareddau y Babell Heddwch yn yr Eisteddfod Genedlaethol.
-
Cofio Epynt
-
Cydlynu a chyfrannu at Gynhadledd Canghennau Ewropeaidd Cymdeithas y Cymod yng Nghaerdydd.
-
Manteisio ar gyfleoedd i fynegi safbwynt y Gymdeithas ar y teledu a’r radio.
-
Cyhoeddi erthyglau perthnasol.
-
Ymateb i adroddiad “Cymru fel Cenedl Heddwch” yr Academi Heddwch.
-
Datblygu gwefan newydd.
-
Cefnogi ymgyrch y Pabi Gwyn yng Nghymru
Adroddiad Ariannol
Mae’r elusen wedi rheoli ei chyllid yn ofalus, gan sicrhau bod gwariant yn cael ei gyfeirio’n uniongyrchol at weithgareddau craidd. Cafwyd incwm o roddion, grantiau, a gweithgarwch codi arian cymunedol, gyda’r holl wariant yn cael ei reoli gan y trysorydd a’i fonitro’n rheolaidd gan yr
ymddiriedolwyr. Mae’r elusen wedi cadw at ei pholisi ariannol ac nid oes unrhyw risg ariannol sylweddol wedi’i nodi.
Craffu allanol y cyfrifon
Caiff ein cyfrifon eu harchwilio a'u gwirio'n flynyddol gan Mr Dewi Morgan, CPFA. Mae Mr Morgan yn allanol i'n sefydliad ac ddim yn aelod.
Llywodraethu a Rheolaeth
Mae’r ymddiriedolwyr wedi cwrdd yn rheolaidd ar y cyd gyda Phwyllgor Gwaith y Gymdeithas i adolygu perfformiad yr elusen, monitro risgiau, a chynllunio ar gyfer y dyfodol. Mae trefniadau cadarn ar waith ar gyfer llywodraethu.
Cafodd y cyfrifon ac adroddiadau blynyddol y swyddogion eu cyflwyno I aelodau y Gymdeithas yng
nghyfarfod y Cyngor, ein Cyfarfod Blynyddol arlein ar 19 Mehefin 2025.
Blaenoriaethau ar gyfer y Flwyddyn Nesaf
-
Parhau gyda’r gwaith o godi ymwybyddiaeth o heddwch a chymod.
-
Codi ymwybyddiaeth pobl ifanc o heddwch a chymod.
-
Adnabod a manteisio ar pob cyfle I hyrwyddo heddwch a chymod yn y wasg
-
Cynnal digwyddiadau byw ac ar-lein
-
Cefnogi mudiadau heddwch eraill
-
Parhau i gefnogi a chydweithio gyda phrosiect Heddwch ar Waith
Diolch a Chydnabyddiaeth
Diolchwn yn ddiffuant i’n cefnogwyr, gwirfoddolwyr am eu cyfraniadau gwerthfawr. Heb eu hymroddiad, ni fyddai’r elusen yn gallu cyflawni ei hamcanion. Edrychwn ymlaen at flwyddyn lwyddiannus arall o hyrwyddo heddwch.
Ar ran yr ymddiriedolwyr, Llofnodwyd: Robat Idris Cadeirydd Cymdeithas y Cymod yng Nghymru Dyddiad: 28/01/2026