2021-03-31-accounts

EGLWYS EFENGYLAIDD ABERYSTWYTH

ADRODDIAD BLYNYDDOL, EBRILL 2020– MAWRTH 2021

1. Amcanion yr Eglwys

• (1) Hyrwyddo’r ffydd Gristnogol yn unol â Chyffes Ffydd yr Eglwys, er budd y cyhoedd yn bennaf ond nid yn unig yn Aberystwyth a’r cyffiniau.

• (2) Amcanion elusennol eraill sydd, ym marn ymddiriedolwyr ac aelodau’r Eglwys, yn unol â gwaith yr Eglwys ac er budd y cyhoedd.

2. Cyflawni’r amcanion

Effeithiodd cysgod Cofid-19 yn helaeth ar yr Eglwys yn ystod 2020–21. Gwnaed ymgais lew i gyflawni’r amcanion uchod yn ystod y flwyddyn, ond oherwydd y cyfyngiadau a’r cyfnodau clo bu’n rhaid addasu’r gweithgareddau’n sylweddol. Ar ddechrau’r pandemig caeodd Cyngor Sir Ceredigion Ganolfan Padarn, lle mae’r Eglwys yn cyfarfod, ac roedd yn dal ar gau ar ddiwedd Mawrth 2021. Ond er methu cwrdd wyneb-yn-wyneb, llwyddwyd i gyflwyno’r ddarpariaeth a ganlyn:

(1) Hyrwyddo’r ffydd Gristnogol:

A. Cyfarfodydd

Gwaetha’r modd, oherwydd y cyfyngiadau bu’n rhaid rhoi’r gorau am y tro i nifer o gyfarfodydd yr Eglwys. Serch hynny, darparwyd amrywiaeth o oedfaon:

• Oedfaon ar y Sul, bore a hwyr, ar gyfer addoli, gweddïo, pregethu Efengyl Iesu Grist ac egluro neges y Beibl i bobl heddiw. Oherwydd y cyfyngiadau bu’n rhaid darlledu’r oedfaon hyn dros y we. Prynwyd camera arbennig er mwyn gwella safon y darllediadau hyn.

• Yn yr un modd cynhaliwyd ysgol Sul i’r plant dros y we.

• Yn achlysurol llwyddwyd i weinyddu ordinhad Swper yr Arglwydd yn rhithiol.

• Bob nos Fawrth darlledwyd astudiaeth feiblaidd dros y we, ac yna cynhaliwyd cwrdd gweddi via Zoom.

• Cynhaliwyd oedfaon arbennig dros y we i ddathlu’r Nadolig a’r Pasg. Yn achos y Nadolig defnyddiwyd gwefan yr Eglwys a’r cyfryngau

cymdeithasol er mwyn darparu eitemau ychwanegol yn gysylltiedig â’r Ŵyl..

B. Gofal bugeiliol

Oherwydd nad oedd modd i aelodau’r gynulleidfa gwrdd â’i gilydd wyneb yn wyneb, nid oedd dewis ond hepgor nifer o weithgareddau mwy cymdeithasol eu naws. Ceisiwyd ymdopi â’r her hon mewn nifer o ffyrdd:

• Trefnwyd bod yr aelodau sydd heb fynediad i’r we’n clywed yr oedfaon ar gryno ddisgiau.

• Rhannwyd aelodau’r gynulleidfa’n dri grŵp yn ôl eu lleoliad a’u hannog i gysylltu ag aelodau eraill o’r grŵp yn gyson.

• Sefydlwyd gwasanaeth Whatsapp er mwyn i bobl yr Eglwys gadw mewn cysylltiad â’i gilydd.

• Cynhaliwyd sesiynau anffurfiol via Zoom – gan gynnwys ‘ystafelloedd torri allan’ – ar ôl oedfaon bore Sul er mwyn i bawb sgwrsio â’i gilydd. Felly hefyd wedi’r cwrdd gweddi ar nos Fawrth.

• Trefnwyd Noson Hwyl ar nos Iau er mwyn rhoi cyfle i aelodau’r gynulleidfa fwynhau egwyl ysgafn yng nghwmni ei gilydd. Er nad oedd modd cynnal ein cyfarfodydd ar gyfer y rhai sy’n dysgu Cymraeg, calondid oedd gweld nifer o’r dysgwyr yn ymuno â’r Noson Hwyl.

• Cynhaliwyd nifer o gyfarfodydd o’r ‘Ystafell Fyw’ i’r bobl ifainc.

• Er mwyn rhoi cyfle i bawb fynegi barn, dosbarthwyd holiadur yn gofyn am eu hymateb i’r ddarpariaeth yn ystod y cyfnod clo ac am awgrymiadau ynghylch gwella’r ddarpariaeth hon. Roedd yr ymateb yn hynod gadarnhaol. Trafodwyd canlyniadau’r holiadur gan y swyddogion ac yn y Cwrdd Eglwys.

• Llwyddodd rhai o’r gwragedd i gynnal Clwb Crefft yn rhithiol.

• C. Cefnogaeth i waith yr Efengyl yn ehangach

• Gwahoddwyd pregethwyr o eglwysi eraill ledled Cymru i arwain oedfaon. Er nad oedd yn bosibl iddynt ddod yn gorfforol, roeddynt i gyd yn barod i recordio negeseuon i’w darlledu dros y we. Roedd eu parodrwydd yn hyn o beth yn gyfrwng i gefnogi a meithrin cysylltiadau â’r eglwysi hyn.

• Bu nifer o aelodau’r Eglwys yn pregethu mewn eglwysi eraill, yn y corff a via Zoom.

• Cafwyd cydweithio cadarnhaol ag Eglwys Saesneg y Bedyddwyr Alfred Place, gan gynnwys nifer o oedfaon ar y cyd dros y we.

• O ganlyniad i ymatebion i’r holiadur (gweler uchod), trefnwyd bod y plant a’r bobl ifainc yn cael ymuno â’r ddarpariaeth a gynigir gan Eglwysi Efengylaidd Bangor a Chaerdydd.

• Cefnogodd yr Eglwys waith cenhadon yng Nghymru ac mewn gwledydd eraill fel a ganlyn:

Cymru Ffrainc Slofenia Yr Eidal

Cyfrannodd at gynhaliaeth y cenhadon hyn, a hefyd at gynhaliaeth dau berson sy’n ymdrechu i gadw cysylltiad cyson â gwahanol wledydd er mwyn hybu’r Efengyl Gristnogol, y naill yn mentora arweinwyr eglwysi yn nwyrain Ewrop a’r llall yn ceisio cymodi pobloedd sydd wedi profi gwrthdaro ethnig. Yn ystod y flwyddyn cafwyd cyfle i siarad â nifer o’r cenhadon hyn dros y we er mwyn cael gwybod am eu gwaith a’u holi am eu cynlluniau i’r dyfodol. Cynhaliwyd cyfarfod dros y we hefyd gyda chynrychiolydd Cymreig Cymdeithas Gyfieithu Wycliffe.

Gan fod taliadau i rai o’r cenhadon heb eu cynnwys yn y cyfrifon ariannol am 2019–20, fe’u cafwyd yn y cyfrifon am 2020–21, ynghyd â’r taliadau priodol am y flwyddyn hon.

• Er nad oedd yn bosibl cwrdd yn gyhoeddus, rhoddwyd arian ar gyfer casgliadau arbennig er mwyn cefnogi gwahanol weithgareddau sy’n gysylltiedig â hyrwyddo’r Efengyl Gristnogol yn gyffredinol. Dosbarthwyd yr arian hwn i’r cyrff a ganlyn:

Canolfan Gristnogol Bryn-y-groes Cymdeithas Gofal Blythswood Cymdeithas Open Doors (Cristnogion dan erledigaeth) Cartref Gofal Plas Lluest Eglwys Efengylaidd Llanbedr Pont Steffan (costau adeilad newydd)

(2) Amcanion elusennol eraill

Fel yn achos nifer o agweddau eraill ar fywyd yr Eglwys, bu’n rhaid cwtogi’n sylweddol ar weithgareddau elusennol oherwydd cyfyngiadau’r cyfnodau clo. Serch hynny,

• Parhawyd i noddi bachgen 12 oed yn Cenia, gan helpu darparu bwyd, addysg, a chymorth meddygol, trwy gyfrwng CompassionUK,

• Pan ddaeth Cofid-19 i’r amlwg, darparwyd cardiau cynnig cymorth er mwyn i aelodau’r gynulleidfa fynegi eu parodrwydd i fod o gymwynas i’w cymdogion a’u cydnabod.

(3) Materion eraill

Er mwyn cyflawni ei hamcanion, mae gan yr Eglwys strwythur syml ond effeithiol:

• Mae tri henuriad (gan gynnwys gweinidog yr Eglwys), sy’n anelu at gwrdd yn fisol i drafod materion sy’n ymwneud yn bennaf â bywyd ysbrydol yr Eglwys. Llwyddwyd i barhau i gynnal y cyfarfodydd hyn via Zoom.

• Mae hefyd ddau ddiacon, sy’n cwrdd â’r henuriaid yn fisol mewn Cwrdd Swyddogion er mwyn trafod agweddau mwy ymarferol ar fywyd a gwaith yr Eglwys. Eto cynhaliwyd y cyfarfodydd hyn via Zoom.

• Cynhelir Cwrdd Eglwys nifer o weithiau mewn blwyddyn er mwyn rhoi cyfle i’r holl aelodau drafod materion sy’n codi ynghylch bywyd a gwaith yr Eglwys. Yn ystod y cyfnod dan sylw cynhaliwyd Cyrddau Eglwys via Zoom ar 28 Gorffennaf 2020, 24 Tachwedd 2020 (Cyfarfod Blynyddol), a 23 Mawrth 2021.

• Mae’r Cwrdd Swyddogion a’r Cwrdd Eglwys yn rhoi sylw manwl i sefyllfa ariannol yr Eglwys. Rhan o’u gwaith yw cymeradwyo’r cyfrifon ariannol, gan sicrhau fod y rhain wedi eu cadw’n foddhaol a bod arian wedi ei wario’n ddoeth ac yn briodol yn unol ag amcanion yr Eglwys.

• Trafodwyd trefnu cwrs hyfforddi ynghylch diogelu plant a phobl ifainc, ond ni fu’n bosibl ei gynnal hyd yma oherwydd y cyfyngiadau.

• Er 8 Rhagfyr 2017 mae’r Eglwys wedi ei chofrestru’n elusen gyda’r Comisiwn Elusennau (rhif 1176181). Yn unol â’r amodau o fod yn elusen, yr henuriaid a’r diaconiaid yw ymddiriedolwyr yr elusen.

• Mae gan yr Eglwys wefan swyddogol sy’n darparu gwybodaeth amdani a’i gweithgareddau (egefaber.org). Yn sgil y cyfyngiadau, cyflwynwyd gwelliannau i’r wefan, datblygwyd y ddarpariaeth arni, a dechreuwyd defnyddio’r cyfryngau cymdeithasol.

3. Diweddglo

Dyma’r flwyddyn fwyaf rhyfedd a heriol erioed yn hanes yr Eglwys. Ond er gwaethaf cyfyngiadau Cofid-19, mae’r Eglwys wedi ymdrechu i gyflawni’r

amcanion a nodir uchod, gan anelu at fod yn halen ac yn oleuni yn y gymuned. Gwelwyd cynnydd calonogol yn nifer y rhai sy’n gwylio oedfaon yr Eglwys ar y we, gan gynnwys pobl nad ydynt yn arfer mynychu’r Eglwys fel y cyfryw. Profwyd llawer o anogaethau, a bu gwerthfawrogi cyffredinol o’r ddarpariaeth yn yr amgylchiadau anarferol.

Dymuna’r ymddiriedolwyr ddiolch i bawb sy’n gysylltiedig â’r Eglwys am bob cymorth a chefnogaeth yn ystod y flwyddyn anodd hon. Gallant dystio fod y cyfrifon i gyd yn gywir, a bod adnoddau ariannol yr Eglwys wedi eu defnyddio’n ddoeth ac yn gywir yn unol â’i hamcanion. Cymeradwyant weledigaeth yr Eglwys, ac edrychant ymlaen at hyrwyddo’i gwaith a’i thystiolaeth yn y dyfodol, gan fawr obeithio y gellir dychwelyd i amgylchiadau mwy normal yn fuan.

Llofnodwyd ar ran yr ymddiriedolwyr:

Derrick Adams

9 Tachwedd 2021

CWM		GWARIANT
	ま
Mewn Llaw I Eb「川2019	72,754.66
O Cyf「if l	300.00
O Cyf「if Adeilad	20,000.00
」Iog	33.87
		Mewn Liaw 31 Mawrth 2020 93,088.53
	93,088.53

lNCWM	GWARIANT
	曇
Mewn LIaw I Eb「冊2019	14,262.94
O Cyf「if l	20,300.OO I Cy師Cadw	20,000.00
」iog	7.10
	Mewn LIaw 31 Mawrth 2020 14,570.04

2 Kery Street, Montgomtry. SY15 9PG 20112r2021 Cjeaw &'r I r8vNMd th8 anNal accounts fort￿ Eg￿ At￿ryS￿h(ll7618l-0l th autumn120211 as requested The accounts are ll kapt and in gc<J crfder. In many ways they are simiLqrto Iho accounls woduced for rny thurd). I was the church trea5LffEf of Ihe SHnil•r thurch E0￿ Efer4W•k•J (11650971 fy effjht years. and arthough l am not 8 qU￿ffj￿d aco)unlant or 8LhJrtor I h8¥e rekvant waclKal in Ihis 1F+w•. I hop• thw i• of •••i•t•ri¢• to Yourn Isr￿•￿ A C Eas￿￿￿