2026-03-31-accounts

RHIF COFRESTRU ELUSEN: 1170372

Samariaid Gogledd-orllewin Cymru

Adroddiad yr Ymddiriedolwyr a Datganiadau Ariannol Anarchwiliedig

31 Mawrth 2026

PARKER O'REGAN TANN & CO

Cyfrifwyr Siartredig Ardystiedig Canolfan Fusnes Bangor 2 Ffordd Farrar Bangor Gwynedd LL57 1LJ

Samariaid Gogledd-orllewin Cymru

Datganiadau Ariannol

Blwyddyn yn dod i ben 31 Mawrth 2026

	Tudalen
Adroddiad blynyddol yr ymddiriedolwyr	1
Adroddiad yr ymchwilydd annibynnol i’r ymddiriedolwyr	5
Datganiad o'r gweithgareddau ariannol	6
Datganiad o'r sefyllfa ariannol	7
Nodiadau i’r datganiadau ariannol	8

1

Samariaid Gogledd-orllewin Cymru

Adroddiad Blynyddol yr Ymddiriedolwyr

Blwyddyn yn dod i ben 31 Mawrth 2026

Mae’r ymddiriedolwyr yn cyflwyno eu hadroddiad a datganiadau ariannol anarchwyliedig yr elusen ar gyfer y flwyddyn a ddaeth i ben ar 31 Mawrth 2026.

Manylion cyfeirio a gweinyddol

Enw cofrestredig yr elusen Samariaid Gogledd-orllewin Cymru Rhif cofrestru’r elusen 1170372 Prif swyddfa 5 Llys Onnen Parc Menai Bangor Gwynedd LL57 4DF Yr ymddiriedolwyr Tudur Owen Williams Ann Catherine Evans Lynda Price Jones (Ymddiswyddo 10 Tachwedd 2025) Gillian Hubbard (Ymddiswyddo 18 Gorffennaf 2025) Linda Jane Macdonald Sian Bowen Beidas Lynda Helen Brookes-Fazakerley Alistair Langdon Janet Lowe (Ymddiswyddo 18 Gorffennaf 2025) Peter Edward Rendle (Ymddiswyddo 18 Gorffennaf 2025) Rhian Jones (Penodwyd 10 Tachwedd 2025) Cari Vaughan Griffiths (Penodwyd 18 Gorffennaf 2025) Ysgrifennydd y cwmni Tudur Owen Williams Ymchwilydd annibynnol Miss Buddug Ritchie FCCA Canolfan Fusnes Bangor 2 Ffordd Farrar Bangor Gwynedd LL57 1LJ

1

Samariaid Gogledd-orllewin Cymru

Adroddiad Blynyddol yr Ymddiriedolwyr (parhad)

Blwyddyn yn dod i ben 31 Mawrth 2026

Strwythur, trefn a rheolaeth

Dogfen lywodraethol

Mae Samariaid Gogledd-orllewin Cymru yn fudiad elusennol corfforedig, a gofrestrwyd gyda’r Comisiwn Elusennol ar 24 Tachwedd 2016.

Apwyntio Ymddiriedolwyr

Penodir ymddiriedolwyr am gyfnod o chwe blynedd ar y mwyaf. Yr Elusen sydd yn apwyntio ymddiriedolwyr yn y Cyfarfod Blynyddol, yn cynnwys ysgrifennydd a thrysorydd neu un person i weithredu fel ysgrifennydd a thrysorydd, hyd at wyth o ymddiriedolwyr eraill a hyd at ddau ymddiriedolwr cyfetholedig. Penodir Cyfarwyddwr y Gangen hefyd fel ymddiriedolwr trwy broses sydd yn cynnwys ymgynghori â’r elusen ac wedi’i chymeradwyo gan Fwrdd Ymddiriedolwyr Elusen Ganolog y Samariaid.

Cyfeillion y Samariaid

Mae grŵp o Gyfeillion y Samariaid ym Mhwllheli. Maent yn cefnogi'r elusen trwy godi arian a chynorthwyo mewn digwyddiadau eraill a gwerthfawrogir eu haelodau’n fawr fel cefnogwyr nad ydynt yn gwrando.

Amcanion a gweithgareddau

Rydym wedi cyfeirio at yr arweiniad sydd yng nghanllawiau cyffredinol y Comisiwn Elusennau ar fudd cyhoeddus wrth adolygu ein nodau a'n hamcanion ac wrth gynllunio ein gweithgareddau ar gyfer y dyfodol.

Amcanion

Gweledigaeth yr elusen yw bod llai o bobl yn marw trwy hunanladdiad. Mae’r elusen yn darparu cefnogaeth emosiynol gyfrinachol i bobl sydd yn profi teimladau o drallod neu anobaith, gan gynnwys teimladau a all arwain at hunanladdiad. Mae hefyd yn ymdrechu i roi gwell dealltwriaeth i gymdeithas o hunanladdiad, ymddygiad hunanladdol a gwerth mynegi teimladau a allai arwain at hunanladdiad.

Gweithgareddau

Caiff cefnogaeth emosiynol ei ddarparu dros y ffôn, a thrwy Sgwrs Ar-lein ac ymweliadau â'n Canolfan. Mae rhif Rhadffôn ar gael i ddarparu cefnogaeth yn y Gymraeg neu'r Saesneg. Rhennir gwybodaeth am ein gwasanaethau trwy wefan cenedlaethol y Samariaid a gwefan ein cangen ni. Mae taflenni dwyieithog ar gael mewn mannau strategol ac mae hysbysebion sy'n rhoi manylion am ein Llinell Gymraeg yn ymddangos yn rheolaidd yn y papurau bro lleol. Mae gwybodaeth am ein gwasanaethau hefyd ar gael ar gyfrif Facebook y Gangen.

Allgymorth

Mae estyn allan at bobl mewn trallod yn rhan bwysig o waith yr elusen. Rydym yn gofalu am ardal ddaearyddol eang ac yn mynychu digwyddiadau ac eisteddfodau. Yn arbennig, rydym yn targedu cymunedau sydd â chyfraddau hunanladdiad uwch na'r cyfartaledd, gan ymweld â marchnadoedd ffermwyr, sioeau amaethyddol, hybiau cymunedol a banciau bwyd lleol, canolfannau iechyd meddwl ac yn ymweld ag ysgolion, colegau a Phrifysgol Bangor. Mae gennym gerbyd cymunedol pwrpasol a ddefnyddir ar gyfer y rhan fwyaf o'r gweithgareddau allgymorth hyn, ac mae hefyd yn ymweld â threfi a phentrefi ledled yr ardal i rannu gwybodaeth am wasanaethau'r Samariaid, gan gynnwys lleoliadau lle mae achosion o hunanladdiad wedi digwydd i gefnogi'r cymunedau hynny. Rhoddir sgyrsiau hefyd i Gymdeithasau sy'n gofyn am gael gwybod mwy am ein gwaith.

Rydym hefyd wedi gosod byrddau sy'n hysbysebu ein gwasanaethau gwrando mewn nifer o feysydd pêldroed a chriced, gan dargedu dynion ifanc a chanol oed gan fod achosion o hunanladdiad yn llawer uwch ymysg dynion o fewn yr ystodau oedran hyn.

2

Samariaid Gogledd-orllewin Cymru

Adroddiad Blynyddol yr Ymddiriedolwyr (parhad)

Blwyddyn yn dod i ben 31 Mawrth 2026

Hyfforddiant

Mae recriwtio gwirfoddolwyr yn parhau i fod yn flaenoriaeth ac yn broses barhaus. Cynhelir cyrsiau hyfforddi ar gyfer gwirfoddolwyr newydd o leiaf deirgwaith y flwyddyn. Mae pob gwirfoddolwr hyfforddedig yn cael hyfforddiant pellach yn flynyddol. Trefnir cynhadledd flynyddol gan y Gangen ym Mehefin gyda siaradwyr allweddol a gweithdai.

Cyflawniadau a pherfformiad

Perfformiad

Sefydlwyd y gangen ym 1984.

Roedd gan yr elusen 75 o wirfoddolwyr gwrando cofrestredig ar 31 Mawrth 2026, cynnydd o 2 ers y flwyddyn flaenorol ac o gymharu â 69 yn 2023-24. Mae gan y Gangen 4 o wirfoddolwyr nad ydynt yn gwrando.

Atgyfnerthodd y gangen ei pherfformiad gwrando yn 2025/26 o gymharu â blynyddoedd blaenorol:

• Oriau agor cyfartalog y Gangen am y flwyddyn oedd 131 awr yr wythnos; 129 awr yn 2024-25 a 122 awr yn 2023-24.

• Treuliodd gwirfoddolwyr y Gangen 6,971 o oriau ar y ffôn, o gymharu â 7,206 awr yn 2024-25 a 6,220 awr yn 2023-24.

• Cafodd 30,470 o alwadau ffôn eu hateb, o gymharu â 29,565 yn 2024-25 a 25,682 yn 2023-24.

• Roedd nifer y Sgyrsiau Ar-lein a atebwyd yn is, 914 o gymharu â 1,049 yn 2024-25 a 1,041 yn 2023-24.

Adeilad

Mae gan yr elusen adeilad modern, llawn offer, a brynwyd yn 2016 ac sy'n cael ei gadw mewn cyflwr da iawn. Mae hyn yn sicrhau sefydlogrwydd a diogelwch ar gyfer y dyfodol. Mae'n cynnig amgylchedd gwaith da iawn i'n gwirfoddolwyr ynghyd â chyfleusterau hyfforddi rhagorol.

Adolygiad ariannol

Incwm

Cyfanswm incwm yr elusen yn 2025-26 oedd £41,095 (2024-25 - £64,576), gan gynnwys rhoddion o £23,823 (2024-25 - £43,533). O gyfanswm y rhoddion am y flwyddyn, roedd £2,787 (2024-25 £7,934) wedi'i neilltuo ar gyfer costau fel gwariant yn ymwneud â’r iaith Gymraeg. Yn gynwysedig yn yr incwm hefyd oedd cymynroddion a chyfraniadau er cof o £5,867 (2024-25 - £3,546).

Roedd incwm o weithgareddau codi arian yn is: £6,047 (2024-25 £12,477) fel ymateb i ostyngiad yng nghostau cyffredinol yr Elusen, a chododd Cyfeillion y Samariaid £605 (2024-25 - £861). Cafwyd cymorth grant tuag at gostau o £1,836 gan Gyngor Gwynedd, sydd hefyd wedi ein heithrio rhag taliadau dewisol o 20% o ran trethi ar ein hadeilad, ac mae’r Gangen yn hynod ddiolchgar i’r Cyngor am y cymorth ariannol hwn. Cafwyd cymorth grant ychwanegol o £1,258 fel rhan o grant i bob un o ganghennau’r Samariaid yng Nghymru.

Gwariant

Roedd gwariant yn 2025-26 yn £39,195 (2024-25 £46,436). Roedd y gostyngiad mewn gwariant o ganlyniad i ostyngiad mewn newb cistau cerbydau a theithio a chostau cynnal a chadw a gwaith adnewyddu yn is na’r llynedd. Roedd costau ynghlwm â'r cerbyd cymunedol ar gyfer Gwaith Allgymorth yn £3,342 (2024-25 £4,321).

3

Samariaid Gogledd-orllewin Cymru

Adroddiad Blynyddol yr Ymddiriedolwyr (parhad)

Blwyddyn yn dod i ben 31 Mawrth 2026

Arian mewn llaw

Ar ddiwedd y flwyddyn ariannol cafodd £57,740 ei gario ymlaen, £1,828 yn fwy nag yn 2024-25: mae hyn yn cyfateb i bron i 18 mis o gronfeydd wrth gefn, ymhell o fewn nod yr Elusen o gadw rhwng deuddeg a deunaw mis o gostau gweithredu wrth gefn i sicrhau sefydlogrwydd y Gangen.

Cymeradwywyd adroddiad blynyddol yr ymddiriedolwyr ar 30 Mehefin 2026 a chafodd ei lofnodi ar ran bwrdd yr ymddiriedolwyr gan:

Tudur Williams Ymddiriedolwr

4

Samariaid Gogledd-orllewin Cymru

Adroddiad yr Archwiliwr Annibynnol i Ymddiriedolwyr Samariaid Gogleddorllewin Cymru

Blwyddyn yn dod i ben 31 Mawrth 2026

Rwyf yn adrodd i’r ymddiriedolwyr ar fy archwiliad o ddatganiadau ariannol Samariaid Gogledd-orllewin Cymru (’yr elusen’) am y flwyddyn yn dod i ben 31 Mawrth 2026.

Cyfrifoldebau a sail yr adroddiad

Fel ymddiriedolwyr yr elusen, rydych yn gyfrifol am baratoi’r datganiadau ariannol yn unol â gofynion Deddf Elusennau 2011 (‘y Ddeddf’).

Adroddaf ynglŷn â fy archwiliad o ddatganiadau ariannol yr elusen a weithredwyd dan adran 145 o Ddeddf 2011 ac wrth gwblhau fy archwiliad rwyf wedi dilyn pob Cyfarwyddyd perthnasol a roddir gan y Comisiwn Elusennau dan adran 145(5)(b) o’r Ddeddf.

Datganiad yr Archwilydd Annibynnol

Rwyf wedi cwblhau fy archwiliad. Rwyf yn cadarnhau nad oes unrhyw faterion materol wedi dod i’m sylw mewn cysylltiad â’r archwiliad sydd yn achosi i mi gredu mewn unrhyw fodd materol:

1. na chadwyd cofnodion ariannol ar ran yr elusen yn unol ag adran 130 o’r Ddeddf; neu

2. nad yw’r datganiadau ariannol yn cydsynio â’r cofnodion hynny; neu

3. nad yw’r datganiadau yn cydymffurfio â gofynion perthnasol ffurf a chynnwys y cyfrifon a nodir yn Rheoliadau (Cyfrifon ac Adroddiadau) Elusennau 2008, ac eithrio unrhyw ofyniad bod y cyfrifon yn rhoi darlun 'gwir a theg' nad yw'n fater i'w ystyried fel rhan o archwiliad annibynnol.

Nid oes gennyf unrhyw bryderon ac nid wyf wedi dod ar draws unrhyw faterion eraill mewn cysylltiad â’r archwiliad y dylid tynnu sylw atynt yn yr adroddiad hwn er mwyn sicrhau gwir ddealltwriaeth o’r cyfrifon.

Buddug H Ritchie

Miss Buddug Ritchie ACCA Archwiliwr Annibynnol

Canolfan Fusnes Bangor 2 Ffordd Farrar Bangor Gwynedd LL57 1LJ

30 Mehefin 2026

5

Samariaid Gogledd-orllewin Cymru

Datganiad Gweithgareddau Ariannol

Blwyddyn yn dod i ben 31 Mawrth 2026

			2026		2025
		Cronfeydd	Cronfeydd	Cyfanswm	Cyfanswm
		anghyfyngedig	cyfyngedig	cronfeydd	cronfeydd
	Nodyn	£	£	£	£
Incwm a gwaddoliadau
Cyfraniadau a chymynroddion	4	30,603	2,787	33,389	50,940
Gweithgareddau masnachol eraill	5	6,047	–	6,047	12,477
Incwm buddsoddiadau	6	1,659	–	1,659	1,159
		────────	────────	────────	────────
Cyfanswm incwm		38,309	2,787	41,095	64,576
		═══════	═══════	════════	════════
Gwariant
Gwariant codi arian:
Cost gweithgareddau masnachol	7	–	611	611	4,412
Gwariant ar weithgareddau elusennol	8,9	36,857	1,728	38,584	42,024
		────────	────────	───────	────────
Cyfanswm gwariant		36,857	2,339	39,195	46,436
		════════	═══════	════════	════════
		────────	────────	────────	────────
Gwariant net a symudiad net mewn
cronfeydd		1,452	448	1,900	18,140
		════════	═══════	════════	════════
Cysoniad cronfeydd
Cyfanswm cronfeydd a ddygwyd ymlaen		277,847	2,523	280,370	262,229
		─────────	────────	─────────	─────────
Cyfanswm cronfeydd a gariwyd drosodd		279,299	2,971	282,270	280,370
		═════════	═════════	═════════	═════════

Mae’r datganiad o weithgareddau ariannol yn cynnwys yr holl enillion a cholledion a gydnabuwyd yn ystod y flwyddyn.

Mae pob incwm a gwariant yn deillio o weithgareddau parhaus.

Mae’r nodiadau ar dudalennau 8 i 14 yn rhan o’r datganiadau ariannol hyn .

6

Samariaid Gogledd-orllewin Cymru

Datganiad Sefyllfa Ariannol

31 Mawrth 2026

		2026	2025
	Nodyn	£	£
Asedau sefydlog
Asedau sefydlog diriaethol	15	221,564	224,957
Asedau Cyfredol
Dyledwyr	16	3,466	–
Arian yn y banc ac wrth law		57,740	55,912
		────────	────────
		61,206	55,912
Credydwyr: symiau’n ddyladwy ymhen blwyddyn	17	500	500
		────────	────────
Asedau cyfredol net		60,706	55,412
		─────────	─────────
Cyfanswm asedau llai ymrwymiadau cyfredol		282,270	280,369
		─────────	─────────
Asedau clir		282,270	280,369
		═════════	═════════
Cronfeydd yr elusen
Cronfeydd cyfyngedig		2,971	2,523
Cronfeydd anghyfyngedig		279,299	277,847
		─────────	─────────
Cyfanswm asedau’r elusen	18	282,270 ═════════	280,370 ═════════

Mae’r datganiadau ariannol hyn wedi eu cymeradwyo gan fwrdd yr ymddiriedolwyr a’u dilysu ar gyfer eu cyhoeddi ar 25 Mehefin 2025, ac wedi eu harwyddo ar ran y bwrdd gan

Tudur Williams

Lin Macdonald

Tudur Williams Ymddiriedolwr

Linda Jane Macdonald Cadeirydd

Mae’r nodiadau ar dudalennau 8 i 14 yn rhan o’r datganiadau ariannol hyn .

7

Samariaid Gogledd-orllewin Cymru

Nodiadau i’r Datganiadau Ariannol

Blwyddyn yn dod i ben 31 Mawrth 2026

1. Gwybodaeth gyffredinol

Mae’r elusen yn endid er budd y cyhoedd ac yn elusen gofrestredig yng Nghymru a Lloegr ac yn anghorfforedig. Cyfeiriad y brif swyddfa yw 5 Llys Onnen, Parc Menai, Bangor, Gwynedd, LL57 4DF.

2. Datganiad cydymffurfio

Paratowyd y datganiadau ariannol hyn yn unol ag FRS 102, ‘Y Safon Adrodd Ariannol sy’n gymwys yn y DU a Gweriniaeth Iwerddon’, y Datganiad o Arferion Cymeradwy sy’n berthnasol i elusennau sy’n paratoi eu cyfrifon yn unol â’r Safon Adrodd Ariannol sy’n gymwys yn y DU a Gweriniaeth Iwerddon (FRS 102) (Elusennau SORP (FRS 102)) a Deddf Elusennau 2011.

3. Polisïau cadw cyfrifon

Sail paratoi

Paratowyd y datganiadau ariannol ar sail cost hanesyddol. Mae'r datganiadau ariannol wedi'u paratoi mewn punnoedd sterling, sef arian gweithredol yr endid.

Mudiad gweithredol

Nid oes unrhyw amheuon materol ynglŷn â gallu’r elusen i barhau.

Dyfarniadau a ffynonellau allweddol o ansicrwydd amcangyfrifon

Wrth baratoi'r datganiadau ariannol mae'n rhaid i reolwyr wneud dyfarniadau, amcangyfrifon a thybiaethau sy'n effeithio ar y symiau a adroddir. Adolygir yr amcangyfrifon a'r dyfarniadau hyn yn barhaus ac maent yn seiliedig ar brofiad a ffactorau eraill, gan gynnwys disgwyliadau ynghylch digwyddiadau yn y dyfodol y credir eu bod yn rhesymol o dan yr amgylchiadau.

Cyfrifo cronfeydd

Mae cronfeydd anghyfyngedig ar gael i’w defnyddio yn ôl disgresiwn yr ymddiriedolwyr i hyrwyddo dibenion yr elusen. Mae gwariant cronfeydd cyfyngedig yn amodol ar gyfyngiadau a osodwyd gan y rhoddwr neu drwy delerau apêl.

Adnoddau a dderbynnir

Mae’r holl incwm wedi’i gynnwys yn y datganiad o weithgareddau ariannol pan fydd hawl wedi'i throsglwyddo i’r elusen, mae’n debygol y bydd y buddion economaidd sy’n gysylltiedig â’r trafodiad yn llifo i’r elusen a gellir mesur y swm yn ddibynadwy. Caiff y polisïau penodol canlynol eu cymhwyso i gategorïau arbennig o incwm:

Caiff incwm o roddion neu grantiau ei gydnabod pan fo tystiolaeth o hawl i’r rhodd, pan fydd yn debygol y caiff yr arian ei dderbyn, a phan ellir mesur ei swm yn ddibynadwy.

Caiff incwm cymynrodd ei gydnabod pan fydd yn debygol y caiff yr arian ei dderbyn a phan fydd hawl wedi’i sefydlu.

Cynhwysir incwm o fuddsoddiadau pan fydd yn dderbyniadwy.

8

Samariaid Gogledd-orllewin Cymru

Nodiadau i’r Datganiadau Ariannol (parhad)

Blwyddyn yn dod i ben 31 Mawrth 2026

3. Polisïau cadw cyfrifon (parhad)

Adnoddau a wariwyd

Cydnabyddir gwariant ar sail croniadau pan fo rhwymedigaeth yn codi. Mae gwariant yn cynnwys unrhyw DAW nad yw'n bosibl ei hadennill yn llawn, a chaiff ei restru o dan benawdau’r datganiad o weithgareddau ariannol y mae’n berthnasol iddynt:

Mae gwariant ar godi arian yn cynnwys costau pob gweithgaredd codi arian, digwyddiadau, gweithgareddau masnachol nad ydynt yn elusennol, a gwerthu nwyddau a roddwyd.

Mae gwariant ar weithgareddau elusennol yn cynnwys yr holl gostau sy'n codi pan fydd elusen yn ymgymryd â gweithgareddau sy’n hyrwyddo ei hamcanion elusennol er budd ei buddiolwyr, gan gynnwys y costau cefnogi a’r costau sy’n ymwneud â llywodraethu’r elusen a ddyrannwyd i weithgareddau elusennol.

Pennir yr holl gostau i gategorïau gwariant sy'n adlewyrchu'r defnydd o'r adnodd. Mae costau uniongyrchol y gellir eu priodoli i un gweithgaredd yn cael eu dyrannu'n uniongyrchol i'r gweithgaredd hwnnw. Caiff costau a rennir eu dosrannu rhwng y gweithgareddau y maent yn cyfrannu atynt ar sail resymol, cyfiawn a chyson.

Asedau diriaethol

Nodir asedau diriaethol ar sail cost ar y dechrau, ac fe’u nodir yn ddiweddarach ar sail cost llai unrhyw ddibrisiant cronedig a cholledion amhariad.

Dibrisiant

Cyfrifir dibrisiant er mwyn dileu cost neu werth ased, llai’r gwerth sy’n weddill, yn ystod bywyd economaidd defnyddiol yr ased hwnnw fel a ganlyn:

Eiddo ar brydles hir	-	Dros hyd y les
Gosodiadau a ffitiadau	-	Dull llinell syth dros 4 blynedd
Cerbydau modur	-	Dull llinell syth dros 15 mlynedd

Diffygion mewn asedau sefydlog

Cynhelir adolygiad i chwilio am ddangosyddion amhariad ar bob dyddiad adrodd, ac amcangyfrifir y swm y gellir ei adennill lle mae dangosyddion o'r fath yn bodoli. Pan fo'r gwerth cario ymlaen yn fwy na'r swm adenilladwy, bydd gwerth yr ased yn cael ei amharu’n unol â hynny. Yn ogystal, adolygir amhariadau blaenorol er mwyn gweld a yw’n bosibl eu gwrthdroi ar bob dyddiad adrodd.

Pan nad yw’n bosibl amcangyfrif swm adenilladwy ased unigol, gwneir amcangyfrif o’r swm adenilladwy i’r uned sydd yn creu arian y perthyna’r ased iddi. Yr uned creu arian yw’r grŵp adnabyddadwy lleiaf o asedau sy’n cynnwys yr ased ac yn cynhyrchu llifau arian parod sydd i raddau helaeth yn annibynnol ar y llifau arian parod sy'n dod o asedau neu grwpiau o asedau eraill.

9

Samariaid Gogledd-orllewin Cymru

Nodiadau i’r Datganiadau Ariannol (parhad)

Blwyddyn yn dod i ben 31 Mawrth 2026

3. Polisïau cadw cyfrifon (parhad)

Offerynnau ariannol

Adnabyddir ased ariannol neu ddyled ariannol pan fo’r endid yn dod yn rhan o ddarpariaeth gytundebol yr endid yn unig.

Adnabyddir offerynnau ariannol sylfaenol ar y dechrau yn ôl y swm a dderbynnir neu sy’n ddyladwy gan gynnwys unrhyw gostau sydd yn ymwneud â’r trafodion, heblaw bod y trefniant yn golygu gweithred ariannol, ac fe’i derbynnir ar werth presennol y taliadau i’r dyfodol gyda gostyngiad cyfradd llog masnachol neu offeryn dyled tebyg.

Mesurir offerynnau dyled wedi hyn ar gost ddilead.

Mesurir offerynnau ariannol wedyn ar werth teg, gydag unrhyw newidiadau’n cael eu nodi yn y datganiad o weithgareddau ariannol, ac eithrio offerynnau rhagfantoli o fewn perthynas ragfantoli dynodedig.

Adolygir asedau ariannol a fesurir ar gost neu gost ddilead am dystiolaeth wrthrychol o ddiffyg ar ddiwedd pob dyddiad adrodd. Os bydd tystiolaeth wrthrychol o ddiffyg, adnabyddir colled ddiffygiol dan y pennawd priodol yn y datganiad o weithgareddau ariannol ble yr adnabuwyd y budd gyntaf.

Caiff pob offeryn ecwiti, ni waeth pa mor arwyddocaol, ac asedau ariannol eraill sydd o bwys unigol eu hasesu'n unigol am amhariad. Caiff asedau ariannol eraill eu hasesu'n unigol neu mewn grŵp ar sail nodweddion risg ariannol tebyg.

Caiff unrhyw wrthdroad o amhariad ei gydnabod ar unwaith, i’r graddau nad yw canlyniad y gwrthdroad yn golygu bod swm cludo’r ased ariannol yn fwy na fyddai’r swm cludo wedi bod pe na fyddai’r amhariad wedi’i gydnabod yn gynt.

4. Rhoddion a chymynroddion

	Cronfeydd	Cronfeydd	Cyfanswm
	anghyfyngedig	cyfyngedig	2026
	£	£	£
Rhoddion
Rhoddion	21,037	2,787	23,823
Cyfeillion y Samariaid	605	–	605
Cymynroddion
Cymynroddion	5,867	–	5,867
Grantiau
Grantiau a dderbyniwyd	3,094	–	3,094
	────────	───────	────────
	30,603	2,787	33,389
	════════	═══════	════════

10

Samariaid Gogledd-orllewin Cymru

Nodiadau i’r Datganiadau ariannol (parhad)

Blwyddyn yn dod i ben 31 Mawrth 2026

4. Rhoddion a chymynroddion (parhad)

			Cronfeydd	Cronfeydd	Cyfanswm
		anghyfyngedig		cyfyngedig	2025
			£	£	£
	Rhoddion
	Rhoddion		37,823	5,710	43,533
	Cyfeillion y Samariaid		861	–	861
	Cymynroddion
	Cymynroddion		3,546	–	3,546
	Grantiau
	Grantiau a dderbyniwyd		3,000	–	3,000
			────────	───────	────────
			45,230	5,710	50,940
5.	Gweithgareddau masnachu eraill
			Cronfeydd	Cronfeydd	Cyfanswm
		anghyfyngedig		cyfyngedig	2026
			£	£	£
	Digwyddiadau codi arian		6,047	–	6,047
			───────	───────	───────
			Cronfeydd	Cronfeydd	Cyfanswm
		anghyfyngedig		cyfyngedig	2025
			£	£	£
	Digwyddiadau codi arian		10,253	2,224	12,477
			───────	───────	───────
6.	Incwm ar fuddsoddiadau
		Cronfeydd	Cyfanswm	Cronfeydd	Cyfanswm
		anghyfyngedig	2026	anghyfyngedig	2025
		£	£	£	£
	Llog banc a dderbyniwyd	1,659	1,659	1,159	1,159
		════	════	════	════
7.	Cost gweithgareddau masnachu	eraill
			Cronfeydd	Cronfeydd	Cyfanswm
		anghyfyngedig		cyfyngedig	2026
			£	£	£
	Costau digwyddiadau codi arian		–	611	611
			────	───────	───────
			Cronfeydd	Cronfeydd	Cyfanswm
		anghyfyngedig		cyfyngedig	2025
			£	£	£
	Costau digwyddiadau codi arian		143	4,269	4,412
			────	───────	───────

11

Samariaid Gogledd-orllewin Cymru

Nodiadau i’r Datganiadau Ariannol (parhad)

Blwyddyn yn dod i ben 31 Mawrth 2026

8. Cost gweithgareddau masnachu eraill

	Cronfeydd	Cronfeydd	Cyfanswm
	anghyfyngedig	cyfyngedig	2026
	£	£	£
Costau cefnogol	36,857	1,728	38,584
	════════	═══════	════════
	Cronfeydd	Cronfeydd	Cyfanswm
	anghyfyngedig	cyfyngedig	2025
	£	£	£
Costau cefnogol	36,531	5,492	42,024
	════════	════	════════
Gwariant ar weithgareddau elusennol yn ôl math o gronfa
	Costau	Cyfanswm	Cyfanswm
	cefnogol	2026	2025
	£	£	£
Costau rheolaeth	38,584	38,584	42,024
	════════	════════	════════

9. Gwariant ar weithgareddau elusennol yn ôl math o gronfa

10. Dadansoddiad o gostau cefnogi

	Costau	Costau	Gweithgareddau	Cyfanswm	Cyfanswm
	llywodraethu	elusennol	cyfyngedig	2026	2025
	£	£	£	£	£
Adeiladau	11,426	–	–	11,426	14,007
Swyddfa gyffredinol	3,068	–	2,338	5,406	5,809
Treuliau aelodau	10,660	–	–	10,660	11,743
Ffioedd cyfrifydd	500	–	–	500	500
Dibrisiant	4,407	–	–	4,407	4,154
Cyfraniad I Swyddfa
Ganolog	2,009	–	–	2,009	1,240
Costau cerbyd
cymunedol	–	3,342	–	3,342	4,321
Hysbysebu a marchnata	833	–	–	833	250
	────────	───────	───────	────────	────────
	32,903	3,342	2,338	38,583	42,024
	════════	═══════	═══════	════════	════════

Mae costau cefnogi’r elusen wedi eu hadnabod ac ar y cyd â’r costau llywodraethu wedi eu dosrannu rhwng y prif weithgareddau elusennol a ymgymerwyd yn ystod y flwyddyn. Mae’r costau cefnogi uchod wedi eu rhannu rhwng prif weithgareddau’r elusen ar sail costau uniongyrchol, dosraniad rhesymol a chostau llywodraethu.

11. Incwm net

Nodir incwm net ar ôl costio/(credydu):

Dibrisiant asedau sefydlog diriaethol

2026 2025 £ £ 4,407 4,154

12

Samariaid Gogledd-orllewin Cymru

Nodiadau i’r Datganiadau Ariannol (parhad)

Blwyddyn yn dod i ben 31 Mawrth 2026

12. Ffioedd archwilio annibynnol

	2026	2025
	£	£
Ffioedd a delir i’r archwiliwr annibynnol am:
Archwiliad annibynnol o’r datganiadau ariannol	500 ════	500 ════

13. Costau staff

Ni thalwyd unrhyw gyflog nac enillion i weithwyr yn ystod y flwyddyn, gan gynnwys aelodau’r pwyllgor.

14. Treuliau a chydnabyddiaeth i’r ymddiriedolwyr

Yn ystod y flwyddyn, hawliodd un neu fwy o’r ymddiriedolwyr dreuliau a thalwyd y treuliau hyn gan yr elusen.

Ad-dalwyd treuliau gwerth £3,319 (2025 - £3,814). Costau teithio oedd y treuliau a daliwyd i’r ymddiriedolwyr. Ad-dalwyd treuliau i bump o ymddiriedolwyr.

15. Asedau sefydlog diriaethol

		Adeilad ar les tymor hir	Gosodion a ffitiadau	Cerbydau modur	Cyfanswm
		£	£	£	£
	Cost
	Ar 1 Ebrill 2025	208,345	15,057	46,715	270,117
	Ychwanegiadau	–	1,014	–	1,014
		─────────	────────	────────	─────────
	Ar 31 Mawrth 2026	208,345	16,071	46,715	271,131
		═════════	════════	════════	═════════
	Dibrisiant
	Ar 1 Ebrill 2025	8,320	15,042	21,798	45,160
	Costau am y flwyddyn	1,040	253	3,114	4,407
		─────────	────────	────────	─────────
	Ar 31 Mawrth 2026	9,360	15,295	24,912	49,567
		═════════	════════	════════	═════════
	Swm sydd yn cario ymlaen
	Ar 31 Mawrth 2026	198,985	776	21,803	221,564
		═════════	════════	════════	═════════
	Ar 31 Mawrth 2025	200,025	15	24,917	224,957
		═════════	════════	════════	═════════
16.	Dyledwyr
				2026	2025
				£	£
	Rhagdaliadau ac incwm gohiriedig			3,466	–
				───────	───────
17.	Credydwyr: taliadau’n ddyladwy o fewn un flwyddyn
				2026	2025
				£	£
	Croniadau ac incwm gohiriedig			500	500
				────	────

13

Samariaid Gogledd-orllewin Cymru

Nodiadau i’r Datganiadau Ariannol (parhad)

Blwyddyn yn dod i ben 31 Mawrth 2026

18. Dadansoddiad o gronfeydd elusennol

Cronfeydd anghyfyngedig

	Cronfeydd anghyfyngedig
		1 Ebrill	Ar 2025	Incwm	Gwariant	Ar 31 Mawrth 2026
			£	£	£	£
	Cronfeydd cyffredinol	277,847		38,309	(36,857)	279,299
		═════════		════════	════════	═════════
		1 Ebrill	Ar 2024	Incwm	Gwariant	Ar 31 Mawrth 2025
			£	£	£	£
	Cronfeydd cyffredinol	257,879		56,642	(36,674)	277,847
		═════════		════════	════════	═════════
	Cronfeydd cyfyngedig
		1 Ebrill	Ar 2025	Incwm	Gwariant	Ar 31 Mawrth 2026
			£	£	£	£
	Cronfeydd cyfyngedig		2,523	2,787	(2,339)	2,971
			════	═══════	═══════	═══════
		1 Ebrill	Ar 2024	Incwm	Gwariant	Ar 31 Mawrth 2025
			£	£	£	£
	Cronfeydd cyfyngedig		4,350	7,934	(9,761)	2,523
			════	════	════	════
19.	Dadansoddiad o asedau net rhwng cronfeydd
				Cronfeydd	Cronfeydd	Cyfanswm
				anghyfyngedig	cyfyngedig	2026
				£	£	£
	Asedau sefydlog diriaethol			221,564	–	221,564
	Asedau cyfredol			58,236	2,970	61,206
	Credydwyr llai na blwyddyn			(500)	–	(500)
				─────────	───────	─────────
	Asedau net			279,300	2,970	282,270
				═════════	═══════	═════════
				Cronfeydd	Cronfeydd	Cyfanswm
				anghyfyngedig	cyfyngedig	2025
				£	£	£
	Asedau sefydlog diriaethol			224,957	–	224,957
	Asedau cyfredol			53,389	2,523	55,912
	Credydwyr llai na blwyddyn			(500)	–	(500)
				─────────	───────	─────────
	Asedau net			277,846	2,523	280,369
				═════════	════	═════════

14