OpenCharities

This text was generated using OCR and may contain errors. Check the original PDF to see the document submitted to the regulator.

2021-03-31-accounts

THEATR GENEDLAETHOL CYMRU

(Cwmni Cyfyngedig trwy Warant)

ADRODDIAD YR YMDDIRIEDOLWYR AC ADRODDIADAU ARIANNOL

AM Y FLWYDDYN YN DIWEDDU 31 MAWRTH 2021

(Rhif y Cwmni 04784488) (Rhif Elusen 1106032)

THEATR GENEDLAETHOL CYMRU

CWMNI CYFYNGEDIG TRWY WARANT

Cynnwys Tudalen
Adroddiad yr Ymddiriedolwyr
2–17
Adroddiad yr Archwilwyr
18–20
Datganiad o Symudiadau 21–22
Mantolen 23–24
Nodiadau ar y Cyfrifon 25–33

THEATR GENEDLAETHOL CYMRU

ADRODDIAD YR YMDDIRIEDOLWYR

Mae’r Ymddiriedolwyr yn cyflwyno’u hadroddiad, ynghyd â’r cyfrifon wedi eu harchwilio, am y flwyddyn yn diweddu 31 Mawrth 2021.

Prif weithgaredd ac adolygiad

Prif weithgaredd y cwmni yw cynhyrchu gweithgaredd theatraidd Cymraeg.

Cyfeirnod a Manylion Gweinyddol yr Elusen, ei Hymddiriedolwyr a’i Hymgynghorwyr

Rhif Cofrestru: 04784488 Rhif Elusen Gofrestredig: 1106032 Swyddfa Gofrestredig: Y Llwyfan Ffordd y Coleg Caerfyrddin Sir Gaerfyrddin SA31 3EQ Bancwyr: HSBC 15 Heol Awst Caerfyrddin Sir Gaerfyrddin SA31 3AQ Archwilwyr: Ashmole & Co. 3 Stryd y Farchnad Llandeilo Sir Gaerfyrddin SA19 6AH Cyfarwyddwr Artistig (Prif Weithredwr): Arwel Gruffydd Aelodau’r Bwrdd

Dan y Ddeddf Cwmnïau, mae gan aelodau’r Bwrdd yr un cyfrifoldebau â chyfarwyddwyr. Yr aelodau a wasanaethodd yn ystod y cyfnod dan sylw yw:

Mrs C E Beard (ymddiswyddo 2 Chwefror 2021) Mr A W Edwards (ymddiswyddo 2 Chwefror 2021) Mrs G Griffith (ymddiswyddo 2 Chwefror 2021) Dr N N Edwards-Behi (apwyntiwyd 27.4.21) Mr J D Ellis (apwyntiwyd 23.2.21) Mr S W Fôn (apwyntiwyd 23.2.21) Mr A G Griffiths Mrs E Gruffudd Jones Mr E Jones Miss F A Phillips (apwyntiwyd 23.2.21) Mrs C M L Rees Mr R M Thomas (apwyntiwyd 23.2.21) Mr M R Williams Mr G Williams Mr W G Jones

Ysgrifennydd

Mrs H A Jones Leefe

THEATR GENEDLAETHOL CYMRU

ADRODDIAD YR YMDDIRIEDOLWYR AM Y FLWYDDYN YN DIWEDDU 31 MAWRTH 2021

Mae’r Ymddiriedolwyr, sydd hefyd yn gyfarwyddwyr yr elusen ar gyfer dibenion y Ddeddf Cwmnïau 2006, yn cyflwyno eu hadroddiad gyda datganiadau cyllid yr elusen am y flwyddyn yn diweddu 31 Mawrth 2021. Mae’r Ymddiriedolwyr wedi mabwysiadu darpariaethau Datganiadau o Arferion Cymeradwy: Cyfrifyddu ac Adrodd gan Elusennau sy’n berthnasol i elusennau sy’n paratoi eu cyfrifon yn unol â’r Safon Adrodd Gyllidol sy’n berthnasol yn y Deyrnas Unedig a Gweriniaeth Iwerddon (FRS102) (effeithiol o 1 Ionawr 2015).

1. STATWS, STRWYTHUR, TREFN LYWODRAETHU A RHEOLAETH

Mae Theatr Genedlaethol Cymru yn elusen gofrestredig ac yn gwmni cyfyngedig trwy warant sydd heb unrhyw gyfalaf cyfrannau. Caiff y cwmni ei lywodraethu gan ei amcanion elusennol a’r Memorandwm Cymdeithasiad a’r Erthyglau Cymdeithasiad. Mae aelodau’r bwrdd llywodraethol (Bwrdd Ymddiriedolwyr Theatr Genedlaethol Cymru) yn Ymddiriedolwyr yr elusen ac yn gyfarwyddwyr y cwmni. Penodir Ymddiriedolwyr drwy broses agored, gan ddiogelu’r sgiliau gofynnol ac allweddol.

Mae pob aelod newydd yn mynd trwy gyfnod o gynefino, ac yn derbyn gwybodaeth am ei rôl fel Ymddiriedolwr ac fel cyfarwyddwr y cwmni. Mae’r aelodau newydd hefyd yn derbyn pecyn cynefino sy’n cynnwys Erthyglau Cymdeithasiad y cwmni, cofnodion cyfarfodydd blaenorol y Bwrdd, copi diweddar o gyfrifon rheolaeth y cwmni, a chopi o gynllun busnes cyfredol y cwmni. Anogir aelodau newydd i gwrdd â staff y cwmni, ac i fanteisio ar gyfleoedd hyfforddi a ddarperir ar gyfer Ymddiriedolwyr gan fudiadau megis Celf a Busnes Cymru ac UK Theatre.

Mae’r Ymddiriedolwyr yn cyfarfod fel Bwrdd o leiaf dair gwaith y flwyddyn. Y Bwrdd sy’n gyfrifol am osod cyfeiriad strategol y cwmni, ac i’r perwyl hwnnw mae’n cymeradwyo’r polisïau allweddol hynny sy’n llywio’r cyfeiriad strategol, ac yn cymeradwyo gweithdrefnau strategol a chynlluniau hirdymor y cwmni. Mae’r Bwrdd hefyd yn monitro gweithrediad y cwmni a pherfformiad y Cyfarwyddwr Artistig. Mae’n gyfrifol am hydaledd ariannol y cwmni, ond yn dirprwyo’r rheolaeth o ddydd i ddydd i’r Cyfarwyddwr Artistig a’i swyddogion.

Mae gan y Bwrdd ddau Bwyllgor:

Mae’r ddau Bwyllgor yn cyfarfod yn rheolaidd; maent yn atebol i’r Bwrdd, ac yn cyflwyno argymhellion iddo.

Mae’r Ymddiriedolwyr yn ymwybodol iawn o’r ffaith bod y cwmni wedi’i sefydlu er budd y cyhoedd yn gyfan gwbl; maent yn ymwybodol o’r angen i sicrhau bod y cyfan o’r nawdd cyhoeddus a dderbynnir yn cael ei ddefnyddio i’r perwyl hwnnw, a bod lles y cyhoedd yn gyfan gwbl yn ystyriaeth sy’n rhedeg drwy holl weithgaredd y cwmni.

Rheoli Risg

Mae’r Ymddiriedolwyr yn ymwybodol o’r ffaith bod yr elusen yn agored i amrywiol beryglon posibl. Caiff y Gofrestr Risg ei monitro’n rheolaidd, a rhoddwyd systemau ar waith i leihau’r peryglon hyn. Cydnabyddir fod Cyllid, ynghyd â materion Iechyd a Diogelwch, ymhlith y prif beryglon posibl.

Cyflawnir asesiadau risg Iechyd a Diogelwch ar bob gweithgaredd neu brosiect creadigol unigol, yn unol â pholisi Iechyd a Diogelwch y cwmni. Mae’r Cyfarwyddwr Gweithredol neu’r Pennaeth Cynhyrchu yn adrodd yn rheolaidd i’r Bwrdd ar faterion yn ymwneud â pheryglon, hyfforddiant staff a gweithdrefnau Iechyd a Diogelwch.

Archwilir y cyfrifon yn fanwl yn rheolaidd, gan sicrhau bod unrhyw orwariant neu darged incwm nas cyrhaeddir yn cael ei wrthweithio.

2. AMCANION A GWEITHGAREDDAU

EIN GWELEDIGAETH

Rhoi theatr Cymraeg wrth galon Cymru.

EIN CENHADAETH

Cyflwyno amrywiaeth o brofiadau theatr Cymraeg eang eu hapêl sy’n cyfoethogi bywydau pobl ledled Cymru.

EIN GWERTHOEDD

Rydym yn gweithio drwy gyfrwng y Gymraeg ar draws ein holl weithgareddau, ac yn defnyddio’r iaith fel ein prif arf wrth greu theatr.

Rydym bob amser yn gynhwysol wrth greu a chyflwyno’n gwaith, gan sicrhau nad oes neb yn cael eu heithrio o’n gweithgareddau, a bod ein rhaglen gytbwys o waith yn eang ei hapêl ac yn cyrraedd yr ystod ehangaf posibl o ran cynulleidfaoedd ac ymgyfranogwyr ar draws Cymru.

Rydym bob amser yn ceisio dysgu gan, a gwneud y mwyaf o, brofiadau, sgiliau ac adnoddau ein cydweithwyr, ein cydweithredwyr a’n cyd-artistiaid, ac yn rhannu’n hael y cyfan sydd gennym ninnau i’w gynnig, wrth i ni geisio creu’r gwaith gorau a mwyaf perthnasol.

Rydym yn manteisio ar bob cyfle i adnabod a meithrin talent ar draws y sector, a chefnogi datblygiad proffesiynol ein staff a’n cyd-weithwyr. Rydym hefyd yn cefnogi sefydliadau, artistiaid a gweithwyr theatr eraill, wrth iddynt geisio gwireddu nodau ac amcanion sy’n gydnaws â’n rhai ninnau, ac sydd er budd y sector theatr yng Nghymru, yn enwedig felly theatr drwy gyfrwng y Gymraeg.

Rydym bob amser yn ddyfeisgar, yn feiddgar ac yn uchelgeisiol yn y modd yr ydym yn . . .

Rydym bob amser yn ceisio’r gwerth gorau am arian a sicrhau’r incwm gorau posibl o’n gweithgareddau a’n hadnoddau. Rydym yn ymdrechu’n gyson i leihau ein dibyniaeth ar nawdd cyhoeddus a’n heffaith ar yr amgylchedd.

Y Cwmni

Sefydlwyd ac ymgorfforwyd Theatr Genedlaethol Cymru yn 2003.

Mae’r Ymddiriedolwyr yn cadarnhau eu bod wedi cydymffurfio â’u dyletswydd dan adran 17 (5) o Ddeddf Elusennau 2011 o ran arweiniad cyffredinol y Comisiwn Elusennau er budd cyhoeddus wrth adolygu’r Elusen ac amcanion wrth gynllunio gweithgareddau yn y dyfodol.

Mae’r cwmni yn gwmni theatr teithiol sy’n cynhyrchu dramâu prif lwyfan, cynyrchiadau mewn lleoliadau arbennig, a chynyrchiadau yng nghalon cymunedau Cymru. Ei fwriad yw creu rhaglen gytbwys o waith theatr sy’n adloniannol, arloesol ac uchelgeisiol, ac sy’n cynrychioli diwylliant deinamig Cymru.

Prif Swyddogaethau’r Cwmni:

Yn y cyfnod cyn Covid-19, arfer y cwmni – a leolir yng Nghaerfyrddin – oedd cyflwyno lleiafswm o bedwar cynhyrchiad theatr y flwyddyn, a’r rheiny’n amrywio o ddramâu clasurol Cymraeg, addasiadau llwyfan o glasuron llenyddol Cymraeg, trosiadau o glasuron theatr ryngwladol, ysgrifennu newydd, theatr i blant a phobl ifanc, prosiectau cymunedol, cynyrchiadau safle-benodol, theatr ddawns a theatr gerddorol. Yr arfer oedd creu cynyrchiadau ar gyfer eu teithio i ganolfannau celfyddydol ar draws Cymru, yn brif lwyfannau a chanolfannau graddfa ganolig, bychan a chymunedol, a hefyd teithio’n achlysurol y tu hwnt i Gymru yn y DU ac yn rhyngwladol. Oherwydd cyfyngiadau sylweddol ar weithrediadau arferol y cwmni, ar y sector theatr yn gyffredinol ac ar gymdeithas yn ehangach, yn arbennig felly’r ffaith bod Llywodraeth Cymru – fel rhan o’u mesurau i warchod iechyd y cyhoedd a’r Gwasanaeth Iechyd Gwladol – wedi gorfodi theatrau a chanolfannau celfyddydol i gau eu drysau am y cyfan o’r flwyddyn ariannol 2020/21, bu’n rhaid i’r cwmni newid dros nos y modd yr oedd yn gweithio, a’r gwasanaeth yr oedd yn ei ddarparu i’r cyhoedd.

Mae’r cwmni, mewn cyfnod arferol, yn creu prosiectau ar gyfer cynulleidfaoedd o bob oed, ac ar gyfer cymunedau amrywiol, yn gymunedau diwydiannol, gwledig a dinesig. Mae’n gweithio mewn partneriaeth â chanolfannau i gynhyrchu prosiectau theatr, yn ogystal ag i lwyfannu ei waith, ac i ddatblygu cynulleidfaoedd ym mhob cwr o Gymru. Yn ystod 2020/21 parhaodd y cwmni i wneud peth o’r gwaith hwn, ac eithrio llwyfannu perfformiadau byw mewn canolfannau, gan fanteisio ar gyfleoedd i weithio mewn partneriaeth gyda sefydliadau amrywiol ar draws y celfyddydau a’r diwydiannau creadigol, a sefydliadau eraill y tu hwnt. Addasodd ei allbwn creadigol er mwyn parhau i gyrraedd cynulleidfa mor eang â phosibl, ond trwy wneud defnydd o blatfformau cyfleu a oedd ar gael iddo yn ystod y flwyddyn, gan fod theatrau a chanolfannau celfyddydol ar gau.

Parhaodd y cwmni i gyflwyno rhaglen amrywiol o waith cyfranogol, yn cynnwys gweithdai a sgyrsiau i ysgolion a grwpiau cymunedol o bob oed, gan barhau hefyd i weithio’n gyson gydag asiantaethau a sefydliadau eraill ar y ddarpariaeth hon.

Mae gwaith y cwmni wedi’i anelu’n bennaf at siaradwyr Cymraeg, ond anelir hefyd at gyrraedd dysgwyr y Gymraeg a’r di-Gymraeg yng Nghymru. Mae’r cwmni’n creu pecynnau addysg a phecynnau ar gyfer dysgwyr sy’n cyd-fynd â’i gynyrchiadau. Hefyd, yn ystod y flwyddyn anarferol hon, darparwyd is-deitlau neu gapsiynau Cymraeg a Saesneg ar bron y cyfan o’i gyflwyniadau ar-lein, gyda’r nod o barhau i ddatblygu ei gynulleidfa ddi-Gymraeg, yn ogystal â’i gynulleidfa o blith dysgwyr y Gymraeg. Roedd y ddarpariaeth hon, yn ogystal, yn golygu bod cyflwyniadau ar-lein y cwmni yn hygyrch i bobl byddar a thrwm eu clyw.

Mewn blwyddyn arferol, mae’r cwmni’n defnyddio’r ap mynediad iaith, Sibrwd, a ddatblygwyd yn arbennig ar ei gyfer trwy gydweithrediad â chwmni digidol Galactig (sy’n rhan o gwmni Rondo Media), wrth gyflwyno digwyddiadau byw mewn canolfannau. Mae Sibrwd yn caniatáu i’r cwmni ddarparu mynediad i’r diGymraeg a dysgwyr y Gymraeg yn uniongyrchol, heb amharu ar brofiad siaradwyr Cymraeg. Yn ystod 2020/21, gweithiodd y cwmni gyda chwmni Galactig i ddatblygu’r adnodd hwn, a hynny trwy nawdd gan gronfa Ewrop Greadigol yr Undeb Ewropeaidd, fel rhan o gynllun ehangach o’r enw Connect Up.

Er bod gwaith y cwmni wedi’i wreiddio yng Nghymru, mae wedi ymrwymo i godi proffil Cymru, y Gymraeg, a theatr trwy gyfrwng y Gymraeg y tu hwnt i Gymru, o fewn y Deyrnas Unedig yn ehangach, ac yn rhyngwladol.

Cynllun Strategol 2019–23 ac ailosod blaenoriaethau yn sgil COVID-19

Yn 2018, gyda chefnogaeth gan Raglen Wytnwch Cyngor Celfyddydau Cymru (CCC), lluniwyd cynllun busnes ac iddo gyfeiriad strategol clir ar gyfer y cyfnod 2018–2022. Gan fod y cynllun busnes yn ddogfen fyw ac yn ddogfen weithiol, mae wedi ei ddiweddaru’n flynyddol ers hynny.

Yn 2018, cynhaliwyd arolwg a dadansoddiad manwl o waith y cwmni, gan ffocysu ar ei brif flaenoriaethau ar gyfer y blynyddoedd nesaf – blaenoriaethau a fyddai’n arwain at wneud y cwmni’n fwy gwydn. Rhoddwyd ystyriaeth i gyd-destun gweithredu’r cwmni a’i rôl wrth geisio cyflawni’r amcanion a amlinellir yn Strategaeth y Llywodraeth: Cymraeg 2050; Deddf Llesiant Cenedlaethau’r Dyfodol a Chynllun Corfforaethol Cyngor Celfyddydau Cymru. Drwy’r broses hon adnabuwyd dwy flaenoriaeth strategol ar gyfer y cyfnod dan sylw, sef cynyddu cynulleidfaoedd – boed hynny’n fynychwyr i berfformiadau neu’n ymgyfranogwyr – ac arallgyfeirio ei ffrydiau incwm, a thrwy hynny leihau ei ddibyniaeth ar nawdd gan Gyngor Celfyddydau Cymru.

Y targedau a osodwyd yn 2018 ar gyfer cyfnod y cynllun strategol yw:

Erbyn diwedd 2019/20, llwyddodd y cwmni i gyrraedd ei dargedau blynyddol o ran y ddwy flaenoriaeth uchod, ac roedd arwyddion clir ei fod ar y ffordd i gyrraedd y targedau a osodwyd ar gyfer diwedd cyfnod y cynllun strategol hwn.

Wrth adolygu’r cynllun busnes yn 2020, daeth yn amlwg fod angen gosod cyfeiriad clir ar gyfer y cwmni a’i weithgareddau yn wyneb y newid sylweddol i’r cyd-destun gweithredu o ganlyniad i COVID-19, ac mewn ymateb i’r anghyfiawnderau a amlygwyd yn eang yn ystod hanner cyntaf y flwyddyn, yn arbennig, o ran amrywiaeth a chynhwysiant, ac awydd y cwmni i fod yn fwy cynhwysol ac i’w waith fod yn fwy cynrychioliadol o wahanol hunaniaethau a chymunedau Cymru.

Gan nad oedd modd cynnal digwyddiadau theatr byw yn ystod 2020/21, nid oedd yn realistig nac yn ymarferol i’r cwmni barhau i geisio cyrraedd y ddau darged uchod, felly penderfynwyd ym mis Hydref 2020 ar y 6 blaenoriaeth isod ar gyfer y cyfnod hyd at ddiwedd 2021.

Yn ystod 2021, bwriada’r cwmni lunio cynllun strategol newydd a fydd yn ymateb i’r cyd-destun gweithredu tra gwahanol, gan weithredu’r cynllun hwnnw o fis Ionawr 2022 ymlaen.

Prif Weithgareddau’r Cwmni

Yn unol â’i genhadaeth, mae’r cwmni’n cynnig amrywiaeth o brofiadau theatr Cymraeg eang eu hapêl, sy’n cynnwys perfformiadau o’i gynyrchiadau ac amrywiaeth o gyfleoedd i ymgyfranogi yn y celfyddydau.

Yn ystod 2020/21 bu’n rhaid canslo’r cyfan o’r gweithgareddau a fwriadwyd yn wreiddiol ar gyfer y flwyddyn, gan nad oedd modd eu cyflwyno yn wyneb COVID-19. Aed ati’n gyflym i gynllunio rhaglen o waith a oedd yn ymateb i’r cyd-destun newydd a’r cyfyngiadau yn sgil COVID-19, a chyflwynwyd y rhaglen honno yn ystod y flwyddyn. O fis Hydref 2021, roedd y rhaglen honno hefyd yn ymateb i’r blaenoriaethau newydd a osodwyd ar gyfer gweddill y flwyddyn. Dyma adrodd, felly, ar weithgareddau’r cwmni yn unol â’r blaenoriaethau newydd hynny a osodwyd:

1. Amrywiaeth a Chynhwysiant

Bu i effeithiau cymdeithasol y pandemig ac ymgyrchoedd megis Black Lives Matter a #WeShallNotBeRemoved beri i’r cwmni ailfeddwl sut mae’n sicrhau amrywiaeth a chynhwysiant yn ei waith. Aeth Bwrdd Ymddiriedolwyr y cwmni ati i sefydlu Gweithgor yn benodol i graffu ar y materion hyn – Gweithgor sy’n cynnwys nifer o ymddiriedolwyr, aelodau o staff ac aelodau allanol sy’n dod â phrofiad bywyd sy’n benodol i grwpiau a dangynrychiolwyd yn y celfyddydau. Bu’r Gweithgor yn craffu ar bob agwedd o waith y cwmni er mwyn sicrhau cynrychiolaeth a chynhwysiant ar bob lefel.

2. Marchnata a Chyfathrebu

Fel rhan o’r gefnogaeth a dderbyniodd y cwmni drwy Raglen Wytnwch CCC, cafodd grant i gynnal Archwiliad Canfyddiad o’r cwmni, sef y canfyddiad ohono ymysg ei gynulleidfa, partneriaid strategol, artistiaid a rhanddeiliaid ehangach. Cynhaliwyd yr archwiliad hwn yn ystod 2020/21. Un o’r prif bwyntiau a ddaeth i’r amlwg o’r ymchwil oedd bod angen i’r cwmni gryfhau ei negeseuon cyfathrebu. Roedd yr adborth gan y rhai a gymerodd ran yn yr ymchwil yn nodi bod cyfathrebu’r cwmni yn ffocysu’n benodol ar gynyrchiadau, ac nad oedd llawer o gyfathrebu am y gwaith sy’n digwydd y tu hwnt i gynyrchiadau. Teimlai sawl un rhyw ddiffyg hyder wrth roi barn ar waith y cwmni yng nghyd-destun cyfleoedd cyfranogi a gwaith datblygu sgiliau, am nad oeddynt yn ymwybodol o’r gwaith hwnnw neu am nad oeddent yn gwybod digon amdano. Roedd nifer o’r rhai wnaeth ymateb yn nodi awydd i gael mwy o ymdeimlad o berthynas gyda’r cwmni yn y cyfathrebu, a honno’n berthynas gyson. Roedd sawl un hefyd yn awyddus i gael rhagor o wybodaeth am sut y gallent gefnogi’r cwmni a’i waith. Cafwyd peth adborth ar frand y cwmni, gan nodi bod y brand yn un gweddol gyfarwydd, ac wedi bod yn gyson, ond bod ymdeimlad corfforaethol iddo a’i bod yn amser am newid neu adnewyddu. Nododd sawl un fod enw’r cwmni’n ychwanegu at y naws gorfforaethol, a bod ‘Theatr Gen’ fel enw yn teimlo’n fwy cyfeillgar ac agos atoch.

Fe wnaeth yr uchod atgyfnerthu’r ymdeimlad a oedd eisoes yn bodoli ymhlith staff y cwmni, ac amlygu’r angen i roi pwyslais ar ddatblygu gwaith cyfathrebu a marchnata’r cwmni er mwyn cynnal perthynas gyda’i gynulleidfa a’i gefnogwyr, ac i godi ymwybyddiaeth o’i waith ehangach (y tu hwnt i gynyrchiadau) a fydd, yn y pen draw, gobeithir, yn amlygu budd cyhoeddus y cwmni, ac yn hwyluso’r gwaith o farchnata cynyrchiadau. Cyflwynwyd adroddiad llawn o’r gwaith hwn i Fwrdd yr Ymddiriedolwyr ac i staff y cwmni. O ganlyniad i ganfyddiadau’r arolwg, bwriada’r cwmni ddatblygu gwefan newydd yn ystod 2021/22, ac yna ail-frandio yn 2022/23. Bydd symiau priodol yn cael eu clustnodi yng nghyllidebau’r blynyddoedd hynny ar gyfer y gweithgareddau hyn.

3. Datblygu Sgiliau a Chefnogi’r Sector

Gan fod COVID-19 wedi cael effaith mor niweidiol ar fywoliaeth a chyfleoedd gwaith gweithwyr theatr llawrydd yn y maes celfyddydau perfformio, fe gymerodd y cwmni gamau neilltuol i geisio lliniaru rhywfaint ar effaith y pandemig yn hyn o beth. Roedd y camau hynny’n cyd-fynd â nodau strategol neu flaenoriaethau eraill, e.e. Amrywiaeth a Chynhwysiant, a Chynnal Diddordeb Cynulleidfaoedd. O ran yr olaf o’r rhain, cyflogodd y cwmni weithwyr llawrydd ar nifer fawr o gyflwyniadau digidol yn ystod y flwyddyn, gan nad oedd modd creu digwyddiadau byw yn y ffordd arferol oherwydd COVID-19. Adroddir ar y cyflwyniadau hynny isod (gweler Cynnal Diddordeb Cynulleidfa). Dyrannwyd 347 o gytundebau llawrydd yn ystod y flwyddyn, i 219 o unigolion, a hynny ar brosiectau’n cynnwys gwaith digidol gwreiddiol a gwaith ymgyfranogi, yn ogystal â chyflwyniadau ar-lein o recordiadau o gynyrchiadau’r cwmni o’r gorffennol.

Gan fod y cyd-destun gweithredu wedi golygu nad oedd modd i’r cwmni gyflwyno cynyrchiadau theatr byw, manteisiwyd ar gyfleoedd yn y cyfnod hwn i ddatblygu sgiliau’n gyffredinol yn y sector theatr Gymraeg. Roedd y gweithgareddau hyn yn cysylltu gyda rhai o’i flaenoriaethau eraill. Bwriad y cwmni yw parhau â’r cynlluniau hyn a datblygu cynlluniau pellach yn ystod 2021/22.

Faust

Gweithiodd y cwmni gyda Chwmni’r Frân Wen a Pontio i greu cynhyrchiad theatr i’w gyflwyno yn 2021/22, gan gynnig cyfleoedd yn 2020/21 (sef y cyfnod paratoi ac ymarfer) i 10 o berfformwyr ifanc (18–25 oed) yn y gymuned (nad oeddynt yn weithwyr theatr proffesiynol) yn ardal Glannau’r Fenai, i ddatblygu sgiliau perfformio. Crëwyd ensemble o berfformwyr er mwyn cyflwyno cynhyrchiad ar-lein; trwy weithio gyda thîm creadigol o artistiaid proffesiynol, derbyniodd yr artistiaid ifanc o’r gymuned arweiniad ac anogaeth, a

chyfleoedd i ddatblygu eu sgiliau, yn arbennig o ran sgiliau actio, gwaith llais, theatr gorfforol a dyfeisio theatr, yn ogystal ag elfennau o greu gwaith digidol a dylunio.

Academi Leeway

Bu’r cwmni’n cefnogi prosiect a arweiniwyd gan Leeway Productions, gyda chefnogaeth hefyd gan Theatr Soar, Merthyr Tudful, a oedd yn datblygu sgiliau artistiaid ifanc yn y gymuned yn ardaloedd Merthyr Tudful, Rhondda Cynon Taf, Castell-nedd Port Talbot, Caerffili ac ardaloedd cyfagos. Dan arweiniaid artistiaid proffesiynol, roedd yr artistiaid ifanc hyn yn creu ac yn cyflwyno’n ddigidol eu sioeau cerdd gwreiddiol eu hunain.

Pair

Cychwynnwyd ar y gwaith o ddatblygu’r cynllun newydd hwn a fydd yn cynnig cyfleoedd i wneuthurwyr theatr i ddatblygu eu sgiliau ym maes dyfeisio theatr. Mewn cydweithrediad â Phrifysgol De Cymru, rhoddodd y cwmni gefnogaeth i Dr Rhiannon Williams i’w galluogi i archwilio a datblygu syniadau a fydd yn sail i brosiect y bwriedir ei gyflwyno yn 2021/22. Cefnogir y cynllun hwn gan S4C.

Cynllun Dramodwyr Ifanc

Bu’r cwmni’n cydweithio gyda’r Urdd ac S4C i greu cynllun datblygu a hyfforddi ar gyfer dramodwyr ifanc (16–25 oed). Cyflwynwyd rhaglen o ddosbarthiadau meistr a gweithdai gyda dramodwyr proffesiynol, gyda’r bwriad o annog cystadleuwyr i gyflwyno gwaith ar gyfer Medal Ddrama Eisteddfod T 2021. Y bwriad yw parhau gyda’r cynllun yn 2021/22 trwy gynnig rôl i enillydd y gystadleuaeth fel Dramodydd Preswyl Ifanc Theatr Genedlaethol Cymru.

Cyfleoedd ar gyfer egin gyfarwyddwyr

Fel parhad i gynllun Awenau – sef rhaglen o hyfforddiant, mentoriaeth a chyfleoedd cyflogaeth i gyfarwyddwyr theatr – cyflwynodd y cwmni weithdy terfynol y prosiect, a pharhau hefyd i gefnogi rhai o’r egin gyfarwyddwyr a fu’n rhan o’r cynllun trwy gynnig gwaith cyflogedig iddynt naill ai fel cyfarwyddwyr cynorthwyol neu fel cyfarwyddwyr ar gynyrchiadau digidol yn ystod y flwyddyn.

Hybu Hyder – Cymraeg Gwaith

Daeth i’r amlwg fod diffyg hyder yn y Gymraeg yn rhwystr i rai artistiaid a gweithwyr theatr rhag eu cyflwyno eu hunain i’r cwmni ar gyfer darpar gyflogaeth, neu gynnig syniadau creadigol iddo. Oherwydd hynny, bu’r cwmni’n cydweithio gyda CCC a Chanolfan Nant Gwrtheyrn ar gynllun i roi cyfleoedd i weithwyr llawrydd ym maes y celfyddydau perfformio i fynychu cyrsiau datblygu sgiliau iaith, a hynny fel rhan o gynllun Cymraeg Gwaith y Ganolfan Dysgu Cymraeg Genedlaethol.

4. Cefnogi Canolfannau Celfyddydol

Wrth ddiwygio’i strategaeth mewn perthynas â chanolfannau a theithio yn sgil COVID-19, cymerodd y cwmni i ystyriaeth yr heriau sylweddol a wynebwyd gan y canolfannau yn sgil y pandemig.

Yn ystod 2020/21, tra bod theatrau a chanolfannau ar gau, a chyfyngiadau sylweddol wedi bod ar greu cynyrchiadau theatr, canolbwyntiodd y cwmni ar weithio gyda chanolfannau i hyrwyddo cynyrchiadau arlein (gweler isod – Cynnal Diddordeb Cynulleidfaoedd) ac ar roi trefniadau mewn lle i alluogi’r cwmni i symud yn gyflym i ailddechrau cyflwyno cynyrchiadau mewn canolfannau unwaith y byddai’r cyfyngiadau’n cael eu llacio.

Bwriad y cwmni yn 2021/22 a thu hwnt, pan fydd y cyfyngiadau ar greu a chyflwyno digwyddiadau theatr wedi llacio, yw cynorthwyo canolfannau i ddenu cynulleidfaoedd yn ôl yn dilyn cyfnod mor ddinistriol i’r sector.

5. Cynnal Diddordeb Cynulleidfa

Roedd y cyfyngiadau a osodwyd gan y Llywodraeth mewn ymateb i argyfwng Covid-19 yn golygu bod canolfannau theatr wedi bod ar gau drwy’r flwyddyn gyfan, ac nad oedd modd ymgynnull i greu perfformiadau theatr yn y dull arferol. O ganlyniad, cafodd unigolion a chymunedau ledled Cymru eu hamddifadu’n llwyr o gyfleoedd yn ystod y flwyddyn i brofi ac i ymwneud â theatr byw (yn y fan a’r lle). Felly fe aeth y cwmni ati i symud y cyfan o’i gyflwyniadau a’i weithgareddau ymgyfranogi i blatfformau digidol. Roedd y cyflwyniadau hynny naill ai’n gyflwyniadau a grëwyd o’r newydd, neu’n recordiadau o gynyrchiadau a grëwyd ac a gyflwynwyd eisoes. Roedd y gweithgareddau ymgyfranogi naill ai’n recordiadau o sesiynau wedi eu recordio ymlaen llaw, yn sesiynau wedi eu ffrydio’n fyw lle nad oedd modd rhyngweithio, neu’n sesiynau wedi eu ffrydio’n fyw lle roedd cyfle i ymgyfranogwyr ryngweithio. Er mwyn cyflwyno a hyrwyddo’r gwaith hwn a oedd, i bob pwrpas, yn weithgaredd cwbl newydd i’r cwmni, sefydlwyd is-frandiau o’r newydd, sef Creu Ar-lein, Pawb Ar-lein a Theatr Gen Eto.

Cyflwynwyd y prosiectau a’r cynyrchiadau hyn ar amrywiol blatfformau yn cynnwys YouTube, AM a Facebook, a’r cyfan yn rhad ac am ddim i’r gwylwyr.

Mewn blwyddyn arferol, mae gwaith cyfranogi’r cwmni yn cynnig amrywiaeth o gyfleoedd i gymryd rhan mewn gweithgaredd theatr, yn cynnwys gweithdai i grwpiau gwahanol (e.e. disgyblion ysgol a myfyrwyr, ac artistiaid ar eu prifiant), sgyrsiau cyn ac ar ôl sioeau, a sesiynau i ddysgwyr. Mae’n cynnwys gweithgareddau sy’n datblygu cynulleidfa ar gyfer cynyrchiadau, a gweithgareddau sy’n

ymateb i alw gan gymunedau amrywiol, boed yn grŵp cymunedol, yn fusnes neu’n sefydliad mewn sector arall. Yn wyneb y pandemig, ceisiwyd trosglwyddo cymaint ag y bo modd o’r gwaith i gael eu cynnal yn rhithiol, ar amryw o blatfformau. Hyrwyddwyd y gweithgareddau hyn dan frand Pawb Ar-lein.

Cydweithiwyd gydag ystod eang o bartneriaid er mwyn darparu cyfleoedd i ymgyfranogi yn y celfyddydau, gan gynnwys Mentrau Iaith Cymru, Urdd Gobaith Cymru, S4C, Cymdeithas Tai Adra, Llenyddiaeth Cymru, Gwasanaeth Camddefnyddio Sylweddau Gwynedd ac Ynys Mon, Frân Wen, Pontio, Cynyrchiadau Leeway, Theatr Soar, Eisteddfod Genedlaethol Cymru, Menter Gorllewin Sir Gâr, Menter Iaith Sir Benfro, Menter Iaith Cered, a’r Ganolfan Dysgu Cymraeg Genedlaethol. Roedd cefnogaeth y partneriaid hyn yn allweddol i lwyddiant y gwaith.

Yn ystod 2020/21, llwyddwyd i gyrraedd 6,483 o ymgyfranogwyr, sef bron yr un nifer o ymgyfranogwyr ag a gyrhaeddwyd yn 2019/20. O ystyried ein bod wedi gorfod trawsnewid y ffordd roedd y cwmni’n ymwneud ag ymgyfranogwyr, yn sgil y pandemig rydym yn ystyried bod y cyrhaeddiad hwn yn un llwyddiannus iawn ac rydym yn falch o fod wedi gallu cynnal y berthynas gyda’n hymgyfranogwyr. Byddwn yn parhau i geisio gwneud hynny yn 2021/22, gan ddefnyddio’r hyn rydym wedi ei ddysgu am weithio’n rhithiol/ddigidol wrth i ni ddychwelyd i gynnig gweithgaredd wyneb yn wyneb hefyd.

Cynhyrchiad Melangell Dolma, Theatr Genedlaethol Cymru a Theatr Clwyd, gyda chefnogaeth gan Eisteddfod Genedlaethol Cymru drwy Gronfa Gari, a Chanolfan Mileniwm Cymru. Wedi’i datblygu’n

wreiddiol fel rhan o gynllun awduron preswyl Theatr Clwyd, dyma ddrama ysgafn gan Melangell Dolma (a fu’n aelod o gynllun hyfforddi dramodwyr Theatr Genedlaethol Cymru, sef y Grŵp Dramodwyr Newydd) am gariad, cyfeillgarwch a chalonnau dryslyd, a gyflwynwyd yn wreiddiol yng Nghaffi Maes B ar Faes Eisteddfod Genedlaethol Sir Conwy 2019.

Cynhyrchiad o ddrama fuddugol cystadleuaeth Medal Ddrama Eisteddfod Genedlaethol Cymru yn Eisteddfod Genedlaethol Sir Fynwy 2016, a gyflwynwyd yn wreiddiol yn ystod Eisteddfod Genedlaethol Ynys Môn 2017 ac yna ar daith ledled Cymru yn 2018. Mae’r ddrama’n ymdrin â phrofedigaeth dyn ifanc ac yn cynnwys elfennau gwyddonias. Roedd hwn yn gynhyrchiad mewn partneriaeth ag Eisteddfod Genedlaethol Cymru.

Cynhyrchiad o ddrama fuddugol cystadleuaeth Medal Ddrama Eisteddfod Genedlaethol Cymru yn Eisteddfod Genedlaethol Ynys Môn 2017, a gyflwynwyd yn wreiddiol yn ystod Eisteddfod Genedlaethol Caerdydd 2018. Mae’r ddrama’n archwilio effaith trawma ar filwr o Gymru, wrth iddo ef a’i deulu geisio dod i delerau â digwyddiadau erchyll o’i orffennol a’r heriau newydd sy’n ei wynebu. Roedd hwn yn gydgynhyrchiad gyda Theatr y Sherman, ac mewn partneriaeth ag Eisteddfod Genedlaethol Cymru.

Cynhyrchiad o ddrama fuddugol cystadleuaeth Medal Ddrama Eisteddfod Genedlaethol Cymru yn Eisteddfod Genedlaethol Caerdydd 2018, a gyflwynwyd yn wreiddiol yn ystod Eisteddfod Genedlaethol Sir Conwy 2019. Mae hon yn ddrama wedi ei gosod yn y dyfodol ac yn edrych ar hunaniaeth wleidyddol Cymru. Roedd hwn yn gynhyrchiad mewn partneriaeth ag Eisteddfod Genedlaethol Cymru.

Cynhyrchiad Theatr Genedlaethol Cymru mewn partneriaeth â Cadw a gyda chefnogaeth gan Chapter. Dyma gynhyrchiad o glasur William Shakespeare mewn trosiad i’r Gymraeg gan Gwyn Thomas, a gyflwynwyd yn wreiddiol ar leoliad yng Nghastell Caerffili ac mewn darllediad byw trwy gyfrwng lloeren i ganolfannau ledled Cymru ym mis Chwefror 2017, ac yna fel ailddangosiad yn y canolfannau hynny yn ystod gwanwyn 2017.

Cynhyrchiad Theatr Genedlaethol Cymru, gyda chefnogaeth gan Cadw, o glasur Saunders Lewis, a gyflwynwyd yn wreiddiol ar leoliad ar safle Tomen y Mur yng Ngwynedd ym mis Gorffennaf 2013.

Cynhyrchiad Theatr Genedlaethol Cymru a Music Theatre Wales mewn partneriaeth â Pontio. Dyma gynhyrchiad o opera wreiddiol gan Guto Puw, gyda libreto gan Gwyneth Glyn, yn seiliedig ar ddrama wreiddiol Gwenlyn Parry. Cyflwynwyd y cynhyrchiad yn wreiddiol fel rhan o Ŵyl Bro Morgannwg, gyda chefnogaeth gan Theatr y Sherman, ac yna ar daith ledled Cymru yn 2017.

6. Datblygu Gwaith Newydd ar gyfer y Dyfodol

Yn ogystal â chomisiynu gweithiau newydd i’w cyflwyno o fewn y flwyddyn, cynorthwyo yn natblygiad creadigol y gweithiau hynny a goruchwylio ansawdd artistig y cyflwyniadau digidol uchod (fel rhan o arlwy Creu Ar-lein), bu’r cwmni hefyd yn datblygu arlwy newydd ac eang ar gyfer y dyfodol. Rhoddwyd ystyriaeth arbennig i greu gwaith newydd a fydd yn cyfrannu at adferiad y sector ac adferiad cymdeithasol yn gyffredinol o ganlyniad i’r pandemig, yn cynnwys denu cynulleidfaoedd yn ôl i’n canolfannau i fynychu digwyddiadau theatr byw yn y dyfodol. Penderfynwyd y byddid yn canolbwyntio ar gomisiynu a datblygu gweithiau newydd . . .

Bu’r gwaith o gynorthwyo datblygiad comisiynau newydd a ddyrannwyd yn ystod 2020/21, yn ogystal ag ar gomisiynau a gychwynnwyd mewn blynyddoedd blaenorol, yn digwydd bron yn ddieithriad ar-lein. Yn ogystal, cynhaliwyd gweithdai datblygu sgript a darlleniadau o weithiau mewn datblygiad, oll ar-lein.

3. CYFLAWNIAD A PHERFFORMIAD

Trosolwg o Brif Weithgaredd y Flwyddyn:

Targedau a chyrhaeddiad 2019/20 2020/21
Theatr Byw – Mynychwyr 16,399 0
Cyflwyniadau Theatr Ddigidol – Gwyliadau 0 73,427
Cyfranogwyr – Plant a Phobl Ifanc 3,979 5,762
Cyfranogwyr – Cyffredinol 1,462 99
Sgyrsiau a Sesiynau Holi ac Ateb 1,174 622
Cyfanswm Cyfranogwyr 6,615 6,483
Cyfanswm y Mynychwyr a’r Cyfranogwyr 23,014 79,910

4. ADOLYGIAD ARIANNOL

Tra bod y cyfan o wariant y cwmni yn gysylltiedig mewn rhyw fodd â gwasanaethau’r cwmni, mae gwariant uniongyrchol ar brif weithgareddau’r cwmni, fel y disgrifir hwy uchod, yn cynrychioli’r rhan helaethaf o wariant blynyddol y cwmni. Mae’r rhan helaethaf o gostau cyflwyno cynyrchiadau theatraidd yn gysylltiedig â gwaith artistiaid llawrydd wrth greu’r gwaith, ac â staffio’r cynyrchiadau. Er mwyn cynnal y safonau artistig uchaf posibl, mae’r cwmni’n cyflogi naill ai’r artistiaid mwyaf profiadol neu’r mwyaf cymwys, ac yn gweithredu taliadau yn unol â chanllawiau a chytundebau UK Theatre, sef y sefydliad ambarél y mae’r cwmni’n aelod ohono. Mae’r taliadau hynny, yn eu tro, yn seiliedig ar gytundebau’r sefydliad hwnnw gydag undebau llafur y diwydiannau creadigol a’r sector ddiwylliannol.

Mae gwerthoedd cynhyrchu uchel y cwmni – yn unol â disgwyliadau’r gynulleidfa wrth ystyried gwaith cwmni theatr cenedlaethol, a nodau ac amcanion y cwmni – yn golygu bod rhan sylweddol o gyllideb pob cynhyrchiad yn gysylltiedig â chostau cynhyrchu (e.e. cynllunio a chreu neu ddarparu set a gwisgoedd, cynlluniau sain a goleuo, rheoli llwyfan, ac ati, ac yn achos cynyrchiadau digidol, gwaith camera a golygu, a chostau ffrydio).

Sicrhau Gwerth am Arian

Ym mhob agwedd o’i waith, mae’r cwmni’n ymdrechu bob amser i sicrhau gwerth am arian, gan ofalu ei fod yn sicrhau prisiau cystadleuol wrth, e.e. brynu offer, archebu llety a chostau eraill yn gysylltiedig â chreu cynyrchiadau theatr. Mae gan y cwmni bolisi caffael sy’n nodi’r isod:

cynyrchiadau theatr. Mae gan y cwmni bolisi caffael sy’n nodi’r isod:
Cost Gofyniad
Hyd at £5,000 Dyfynbrisiau – Isafswm o 1
£5,000 i £25,000 Dyfynbrisiau – Isafswm o 3
£25,000 i £75,000 Proses dendrogaeedig–gwahodd 4–6(angen derbyn o leiaf 2)
Uwch na £75,000 Proses dendro agored(angen derbyn o leiaf 2)

Pennir cyflogau staff parhaol yn seiliedig ar arolwg o gyflogau cyfatebol yn y sector ac yn lleol, er mwyn sicrhau gwerth am arian, tra ar yr un pryd yn cynnal safonau disgwyliedig.

Polisi Cronfeydd

Cedwir swm o £195,000 wrth gefn (y swm i’w adolygu’n flynyddol) ar gyfer amgylchiadau eithriadol na ellir eu rhagweld.

Arwyddwyd prydles newydd ar ran o adeilad Y Llwyfan (sef pencadlys y cwmni) ym mis Hydref 2018. Prydles 10 mlynedd yw’r cytundeb presennol, gyda chymal torri ar ôl 5 mlynedd. Yn ystod y blynyddoedd diwethaf mae’r cwmni wedi bod yn neilltuo swm yn flynyddol tuag at y brydles newydd, a defnyddiwyd y gronfa hon i dalu cost y brydles am y 5 mlynedd gyntaf. Cytunodd y Bwrdd y dylid neilltuo £37,000 yn 2018/19 a £35,000 am y 4 blynedd nesaf ar gyfer taliad nesaf y brydles (h.y. y 5 mlynedd sy’n weddill).

Er mwyn adnewyddu offer presennol y cwmni, yn cynnwys cerbydau, a buddsoddi mewn offer sy’n lleihau costau refeniw’r cwmni, mae’r Bwrdd wedi penderfynu neilltuo swm blynyddol o £10,000 i gronfa gyfalaf.

Nawdd Cyhoeddus

Mae Theatr Genedlaethol Cymru yn aelod o Bortffolio Celfyddydol Cymru, Cyngor Celfyddydau Cymru (CCC), ac mae’r statws hwnnw’n rhoi sicrwydd cymharol o gyllid am gyfnod penodol o bum mlynedd. Bydd CCC yn cynnal Adolygiad Buddsoddiad o’i Bortffolio yn 2023, a’r disgwyliad yw y bydd y Portffolio o sefydliadau a ariennir yn flynyddol (yn cychwyn am gyfnod o bum mlynedd o Ebrill 2024) yn cael ei gadarnhau ym mis Medi 2023.

Mae’r cwmni’n cyfarfod a thrafod yn gyson gyda CCC, ei brif noddwr. Mae’r cwmni’n falch iawn o barhau i fod yn aelod o Bortffolio Celfyddydol Cymru CCC, ac mae ganddo berthynas adeiladol gyda’i brif noddwr. Mae’r cwmni’n adrodd yn ôl yn gyson i CCC, ac yn cyflawni’r holl orchwylion a’r gofynion sydd ynghlwm â derbyn y nawdd hwn.

Yn hanesyddol, mae Theatr Genedlaethol Cymru wedi dibynnu’n drwm ar gyllid gan CCC. Mae hyn yn gosod risg sylweddol i’r cwmni oherwydd y pwysau cynyddol sydd ar arian cyhoeddus. Un o’n prif nodau ar gyfer cyfnod cynllun busnes 2018–22 oedd lleihau’r ddibyniaeth ar arian CCC trwy gynyddu incwm o ffynonellau eraill. Yn 2019/20 llwyddwyd i ostwng ein lefel dibyniaeth ar arian CCC y tu hwnt i’r targed a osodwyd, ac roedd y gostyngiad yn 10% o’r flwyddyn flaenorol (2018/19). Y nod oedd lleihau’r ddibyniaeth ymhellach dros y blynyddoedd nesaf, ac erbyn 2022 byddai cyllid CCC yn cynrychioli 75% o gyfanswm incwm y cwmni.

2019/20 2020/21
Cyllid CCC £1,054,495 £1,072,566
Cyfanswm Incwm £1,364,196 £1,103,316
Cyllid CCC fel % 77% 97%

Yn sgil COVID-19, cynyddodd y lefel ddibyniaeth yn sylweddol unwaith eto, gyda chyllid CCC yn cynrychioli 97% o holl incwm y cwmni. Roedd hyn yn bennaf oherwydd nad oedd modd cynhyrchu incwm o werthiant

tocynnau i berfformiadau, na denu incwm partneriaeth i gynyrchiadau. O 2021/22 ymlaen, fe fydd yn flaenoriaeth unwaith eto ar leihau’r ddibyniaeth ar arian CCC.

Staff

Cartref y Cwmni

Lleolir pencadlys y cwmni yn adeilad Y Llwyfan ar gampws Prifysgol Cymru y Drindod Dewi Sant, Caerfyrddin. Yno, mae gan y cwmni swyddfeydd, storfeydd ac ystafell gyfarfod. Fel rhan o’r cytundeb prydles presennol mae gan y cwmni ddefnydd o ystafell ymarfer ac ystafelloedd newid pwrpasol am 12 wythnos y flwyddyn. Mae gan y cwmni storfa ychwanegol ar safle y tu allan i’r dref. Mae’r adnoddau hyn yn caniatáu i’r cwmni weithredu’n effeithiol. Mae’r cytundeb presennol yn Y Llwyfan yn para hyd ddiwedd Medi 2028, gydag opsiwn i dorri’r les yn 2023.

Adnoddau Technegol

Er mwyn darparu ei wasanaethau, mae’n ofynnol i’r cwmni logi offer technegol o bryd i’w gilydd, a thro arall ei bwrcasu. Dros y blynyddoedd, mae’r cwmni wedi cronni casgliad sylweddol o offer technegol a ddefnyddir wrth i’r cwmni greu a theithio prosiectau theatr. Mae’r casgliad hwn o offer technegol hefyd yn fodd o gefnogi’r sector a chreu partneriaethau gyda chwmnïau eraill, lle mae modd i sefydliadau eraill elwa o’r adnoddau hyn. Mae gan y cwmni restr gynhwysfawr o’i holl offer, ynghyd â gweithdrefnau manwl a hylaw er mwyn caniatáu llogi a chyd-rannu’r offer pan fo hynny’n briodol neu’n fanteisiol iddo.

Adnoddau Eraill

Mae gan y cwmni hefyd nifer o adnoddau eraill, megis cerbydau ac offer swyddfa, sy’n caniatáu iddo weithredu’n effeithiol a chost-effeithiol. Derbyniwyd grant cyfalaf tuag at brynu cerbydau newydd yn ystod 2017/18.

COVID-19

Daeth effeithiau COVID-19 i’r amlwg ar ddiwedd 2019/20, a’r clo mawr yn dechrau ar ddiwedd mis Mawrth 2020. Bu raid canslo 2 gynhyrchiad oedd i fod i deithio o amgylch Cymru ym misoedd Mawrth ac Ebrill 2020. Nid oedd modd cyflwyno unrhyw berfformiadau byw yn ystod y flwyddyn ariannol 2020/21, ond fe drodd y cwmni at blatfformau amgen a mentro i gynhyrchu theatr ddigidol, gan fanteisio ar bartneriaethau strategol newydd. Mae’r cwmni bellach wedi dychwelyd i gyflwyno perfformiadau byw, gan i’r Llywodraeth lacio cyfyngiadau COVID, gyda’r perfformiadau byw cyntaf i gynulleidfa yn digwydd ym mis Awst 2021. Mae’n amlwg o’r profiadau a gafodd y cwmni ers hynny, gyda thaith lwyddiannus Anfamol, bod awydd gan gynulleidfaoedd i ddychwelyd i theatrau. Serch hynny, mae’r sefyllfa’n parhau i fod yn fregus, a’r posibilirwydd o gyfyngiadau’n cael eu hailgyflwyno os bydd sefyllfa COVID yn gwaethygu. Bydd y staff a’r ymddiriedolwyr yn ceisio sicrhau bod y cwmni’n gweithredu mewn modd digon hyblyg i ymateb yn gyflym i heriau sy’n codi. Bydd yr ymddiriedolwyr a’r staff hefyd yn monitro sefyllfa ariannol y cwmni’n ofalus i sicrhau nad yw COVID-19 yn cael effaith ddinistriol, gan gydweithio’n agos gyda’r prif arianwyr i sicrhau bod y cwmni’n diwallu eu hanghenion.

Lluniwyd Cofrestr Risg COVID-19 er mwyn cynorthwyo’r Bwrdd a’r swyddogion i adnabod risgiau penodol yn ymwneud â’r pandemig ac i gytuno ar drefniadau rheoli priodol.

5. CYFRIFOLDEBAU’R YMDDIRIEDOLWYR

Mae’r Ymddiriedolwyr (sydd hefyd yn gyfarwyddwyr Theatr Genedlaethol Cymru i bwrpasau cyfraith cwmni) yn gyfrifol am baratoi Adroddiad yr Ymddiriedolwyr a’r datganiadau cyllid yn unol â’r gyfraith berthnasol o Safonau Cyfrifyddu’r Deyrnas Unedig (Ymarfer Cyfrifyddu Derbyniol Cyffredinol y Deyrnas Unedig).

Yn ôl y ddeddf ar gyfer cwmnïau, mae’n ofynnol i’r Ymddiriedolwyr baratoi cyfrifon ar gyfer pob blwyddyn ariannol, a’r rheiny’n rhoi darlun cywir a theg o sefyllfa ariannol y cwmni yn ystod y cyfnod dan sylw. Wrth baratoi’r cyfrifon hyn, mae’n rhaid i’r ymddiriedolwyr wneud y canlynol:

Mae’r Ymddiriedolwyr yn gyfrifol am gadw cofnodion cyfrifyddu addas sy’n datgelu sefyllfa ariannol y cwmni’n gymharol gywir ar unrhyw adeg, ac yn eu galluogi i sicrhau bod y datganiadau cyllidol yn unol â Deddf Cwmnïau 2006. Mae ganddynt hefyd gyfrifoldeb dros warchod asedau’r cwmni a chymryd camau rhesymol i atal a darganfod twyll neu afreoleidd-dra arall.

Cyn belled ag y mae’r Ymddiriedolwyr yn ymwybodol:

Trwy orchymyn y Bwrdd

………………………………………..................................

Cadeirydd: Efa Gruffudd Jones

Dyddiad:

30/11/2021 ...........................................................................

THEATR GENEDLAETHOL CYMRU

ADRODDIAD YR ARCHWILWYR ANNIBYNNOL I YMDDIRIEDOLWYR THEATR GENEDLAETHOL CYMRU

Barn

Archwiliwyd cyfrifon Theatr Genedlaethol Cymru am y flwyddyn yn diweddu 31 Mawrth 2021; maent yn cynnwys y Datganiad o Symudiadau Ariannol, y Fantolen a’r nodiadau perthnasol. Paratowyd y cyfrifon yn unol â’r polisïau cyfrifo a nodir yn y cyfrifon. Cynhaliwyd ein harchwiliad yn unol â Safonau Cyfrifo’r Deyrnas Unedig (Ymarfer Cyfrifyddu Derbyniol Cyffredinol y Deyrnas Unedig), sy’n cynnwys FRS 102 Y Safon Adrodd Ariannol sy’n gymwys yn y Deyrnas Unedig a Gweriniaeth Iwerddon.

Yn ein barn ni:

Sail ein Barn

Gwnaethom gynnal ein harchwiliad yn unol â Safonau Archwilio Rhyngwladol (DU) (“ISA’s (UK)”) a’r gyfraith berthnasol. Disgrifir ein cyfrifoldebau o dan ISAs (DU) ymhellach yn adran Cyfrifoldebau’r archwilwyr am archwilio’r datganiadau ariannol o’nn hadroddiad. Rydym yn annibynnol o’r elusen gofrestredig yn unol â’r gofynion moesegol sy’n berthnasol i’n harchwiliad o’r datganiadau ariannol yn y DU, sy’n cynnwys Safon Foesegol yr FRC, a’r darpariaethau ar gyfer endidau bach, ac rydym wedi cyflawni ein cyfrifoldebau moesegol eraill yn unol â’r gofynion hyn. Credwn fod y dystiolaeth archwilio a gawsom yn ddigonol ac yn briodol i ddarparu sylfaen i’n barn ni.

Casgliadau yn ymwneud â busnes gweithredol

Wrth archwilio’r cyfrifon, rydym o’r farn bod defnydd yr ymddiriedolwyr o sail busnes gweithredol wrth baratoi’r datganiadau ariannol yn briodol.

Yn seiliedig ar y gwaith rydym wedi'i wneud, nid ydym wedi nodi unrhyw ansicrwydd perthnasol sy'n ymwneud â digwyddiadau neu amodau a allai, yn unigol neu ar y cyd, fwrw amheuaeth sylweddol ar allu'r cwmni elusennol i barhau fel busnes gweithredol am gyfnod o ddeuddeng mis o leiaf o'r adeg yr awdurdodir y datganiadau ariannol i'w cyhoeddi.

Disgrifir ein cyfrifoldebau a chyfrifoldebau'r ymddiriedolwyr mewn perthynas â busnes gweithredol yn adrannau perthnasol yr adroddiad hwn.

Gwybodaeth arall

Mae'r ymddiriedolwyr yn gyfrifol am y wybodaeth arall. Mae'r wybodaeth arall yn cynnwys yr wybodaeth a gynhwysir yn yr Adroddiad Blynyddol, ac eithrio'r datganiadau ariannol ac Aadroddiad ar yr Archwilwyr Annibynnol.

Nid yw ein barn ar y datganiadau ariannol yn cwmpasu'r wybodaeth arall ac, ac eithrio i'r graddau a nodir fel arall yn ein hadroddiad, nid ydym yn mynegi unrhyw fath o gasgliad sicrwydd arno.

Mewn cysylltiad â'n harchwiliad o'r datganiadau ariannol, ein cyfrifoldeb ni yw darllen y wybodaeth arall ac, wrth wneud hynny, ystyried a yw'r wybodaeth arall yn anghyson yn sylweddol â'r datganiadau ariannol neu’r wybodaeth a gafwyd yn ystod yr archwiliad neu fel arall yn ymddangos eu bod wedi'i camddatgan yn sylweddol. Os byddwn yn nodi anghysondebau sylweddol o'r fath neu gamddatganiadau ymddangosiadol sylweddol, mae'n ofynnol i ni benderfynu a yw hyn yn arwain at gamddatganiad yn y datganiadau ariannol eu hunain. Os byddwn, yn seiliedig ar y gwaith yr ydym

wedi'i wneud, yn dod i'r casgliad bod camddatganiad o'r wybodaeth arall hon, mae'n ofynnol i ni adrodd y ffaith honno. Nid oes gennym ddim i'w adrodd yn hyn o beth.

Materion yr ydym yn rwymedig i adrodd drwy eithriad

Nid oes gennym ddim i’w adrodd mewn perthynas â’r eitemau canlynol lle mae’r Ddeddf Elusennau 2011 yn gofyn i ni adrodd i chi os, yn ein barn ni:

Cyfrifoldebau’r Ymddiriedolwyr

Fel yr esboniwyd yn llawnach yn y Datganiad o Gyfrifoldebau Ymddiriedolwyr, mae'r ymddiriedolwyr (sydd hefyd yn gyfarwyddwyr y cwmni elusennol at ddibenion cyfraith cwmnïau) yn gyfrifol am baratoi'r datganiadau ariannol ac am fod yn fodlon eu bod yn rhoi darlun cywir a theg, ac am unrhyw reolaeth fewnol y mae'r ymddiriedolwyr yn penderfynu sy'n angenrheidiol er mwyn gallu paratoi datganiadau ariannol sy'n rhydd o gamddatganiad sylweddol, boed hynny oherwydd twyll neu wall.

Wrth baratoi'r datganiadau ariannol, mae'r ymddiriedolwyr yn gyfrifol am asesu gallu'r cwmni elusennol i barhau fel busnes gweithredol, gan ddatgelu, fel y bo'n berthnasol, unrhyw fater ynghylch defnyddio sail busnes gweithredol cyfrifyddu oni bai bod yr ymddiriedolwyr naill ai'n bwriadu diddymu'r cwmni elusennol neu roi'r gorau i weithrediadau, neu nad oes ganddynt ddewis amgen realistig ond gwneud hynny.

Cyfrifoldebau’r archwilwyr am archwilio’r datganiadau ariannol

Rydym wedi'n penodi'n archwilwyr o dan Adran 144 o Ddeddf Elusennau 2011 ac yn adrodd yn unol â'r Ddeddf a'r rheoliadau perthnasol a wnaed neu sy'n cael effaith o dan y Ddeddf honno.

Ein hamcanion yw cael sicrwydd rhesymol ynghylch a yw'r datganiadau ariannol yn ei cyfanrwydd yn rhydd o gamddatganiad perthnasol, boed hynny oherwydd twyll neu gamgymeriad, ac i gyhoeddi Adroddiad gan yr Archwilwyr Annibynnol sy'n cynnwys ein barn. Mae sicrwydd rhesymol yn lefel uchel o sicrwydd, ond nid yw'n warant y bydd archwiliad a gynhelir yn unol ag ISAs (DU) bob amser yn canfod camddatganiad perthnasol pan fydd yn bodoli. Gall camddatganiadau godi o dwyll neu gamgymeriad ac fe'u hystyrir yn berthnasol os gellid disgwyl yn rhesymol iddynt, yn unigol neu ar y cyfan, ddylanwadu ar benderfyniadau economaidd defnyddwyr a wneir ar sail y datganiadau ariannol hyn.

Achosion o beidio â chydymffurfio â chyfreithiau a rheoliadau yw afreoleidd-dra. Amcanion ein harchwiliad yw cael digon o dystiolaeth archwilio priodol ynghylch cydymffurfio â chyfreithiau a rheoliadau sy'n cael effaith uniongyrchol ar benderfynu ar symiau a datgeliadau sylweddol yn y datganiadau ariannol, cyflawni gweithdrefnau archwilio er mwyn helpu nodi achosion o beidio â chydymffurfio â chyfreithiau a rheoliadau eraill a allai gael effaith sylweddol ar y datganiadau ariannol, ac i ymateb yn briodol i ddiffyg cydymffurfio â chyfreithiau a rheoliadau a nodwyd yn ystod yr archwiliad.

O ran twyll, amcanion ein harchwiliad yw nodi ac asesu'r risg o gamddatganiad sylweddol o'r datganiadau ariannol oherwydd twyll, casglu digon o dystiolaeth archwilio priodol ynghylch y risgiau aseswyd o gamddatganiad sylweddol trwy dwyll gan ddylunio a gweithredu ymatebion priodol ac ymateb yn briodol i dwyll neu dwyll tybiedig a nodwyd yn ystod yr archwiliad.

F¢xld bynna& prlf gyfrlfoldeb v rhe(Iwyr. gyda Boruch￿la￿th y rhai s￿n gyfrifol am fvodraethv. w sicrhau bod 8weithredladau'r endid yn cael Èu cynnal yn unol a d3rpariaethau cyfreithiau a rheoliadau ac ar gyfer atal a chanfod Wrth asesu a nodi'r ¥i58iau o 8amddat8aniad sylweddol mewn perthymas ag afreoleidd-dra. gan 8ynnwy5 tvryll, fe wnaeth y rim archwilio.. gael dealltwriaÈth o natur y diwydiant a'r settori gan 8ynnvrys y fframwaith ryfreithiol a rheolelddlol v mae'r elusen yn gweithredu ynddo a sut mae'n tydymffurfio a'r ffrarnwaith cyfreithiol a rheolelddiol,. holi'r rheolwyr. a'r rhai wfrifol am lywodraethu. am eu hasesiad a chydnabyddiaeth eu hunain o beryglon afreoleidd-dra gan 8ynnwys unrhyw achosion gwirioneddol. tybIed￿ neu honedig o dwyll: drafod fflaterion ynghwch peidio a chydymffurfio a chyfreithiau a rheoliadau a 5Ut ygallal ￿11 ddigwydd gan 8ynnwys asesu sut a ble y gallai'r dat8aniadau ariannol fod ￿ agored i dw￿1. O ganlynlad i'r 8weithdrefnau hyn, rydyrn yn ystyried y cyfreithiau a'r rheoliadau mwyaf arwyddD¢aol sy'n cael effaith vnloThgyrchol ar y datganladau ariannol yw SORP ElU5erbna￿. FRS 102. Deddf CwMn￿U 2fA)6 a Deddf Elusennau 2011. Gwnaethorn gynnal 8weithdrefnau archwilio i ianfod dilfyK cydymffiirfio a allai gael effaith 5ylweddol ary datganiadau ariannol a oedd yn cynnwys adolygu'r dgeliadau yn ycyfrifon. Nododd v tlm archwilio mai'r risg mvryaf i gamddatganiad sylweddol trwy dwyll fyddèi oganlyniad i'r rhetsl￿r yn diystyru rheolaethau mewnol. Roedd y 8weithdrelnay arthwilio a berffom)ivryd yn rynnwys ond nid oeddent wedi'u cyfyngu i brofi cyfnodolion ac adda5i3dau eraill a 8werthuso'r rhesymeg fv5ne5 mewn perthynas ag unrhyw drafodioTh sylweddol. anarferol a wnaed y tu allan i 8wrs busne5 arferol. Ceir di5grifiad pellach o'n cyfvifoldebau drosarchwilio'r datganiadau ariannd arwefan v CyngorAdrodd Ariannol yn www.frc.0rg.uvaudiknrsresp0n￿bIlitie$. Mae'rdi5grifbad hwn yn rhan o'n hadroddiad a(chwi￿r annibynnol. Defnyddio'r admddlad hwn Paratowyd yr adroddiad hwn ar ￿fer ymddiriedolvryry (wmni elusennol yn uni& fel corffyn unol agAdran 144 Deddf Elusennau 2011 a rheoleiddiadau a wnaed o dan adran 154 o'r Ddeddf honno (Rhan 4 O'r Elusennau Icyfrifon ac Adroddiadaul Rheoliadau 2(X)81. Mae ein 8waith archwlio wedi'i wneud fel yKallem ddatgan l ymddiriedolwyr v cwmThi elusennol v materion hynny y mae'n ofynnol i ni eu datgan iddymt mewn adroddiad arthwilwyr ac nld at unrhyw ddiben aro11. I'r8raddau Ilawnaf a 8ani&teir8an y ￿r3]th, nid ydyrn yn derbyn nacyn rymryd cylrifoldeb i unrhyw un heblaw'r cwmni elusennol ac ymddiriedolwyr y cwmni elusennol fel Corff. am ein gwaith èrchwilio. ar8yfer vr adroddiad hwn. Thac am v farn yrydyrn wedi'i ffurfio. AfvtL&G A5hmole & Co (Archwilydd Statudoll CyfrlfwyrArdystiedig Siartredig & Archwiw Cofrestredi8 Yn gymwys i weithredu fel archwlwyryn unol ag adran 1212 0 Ddeddf Cwmnvau 2CK16 3 Stryd y Farchnad Llandeilo Sir Gaerfyrddin SAI9 6AH Dyddiad.. 30 -20-

THEATR GENEDLAETHOL CYMRU

DATGANIAD O SYMUDIADAU ARIANNOL (Incwm a Gwariant)

AM Y FLWYDDYN YN DIWEDDU 31 MAWRTH 2021

Cronfa Cronfeydd Cyfanswm Cyfanswm
Nodyn Gyfyngedig Anghyfyngedig 2021 2020
£ £ £ £
INCWM A GWADDOLION
Incwm gwirfoddol a chymynroddion 2 40,038 1,048,469 1,088,507 1,080,024
Gweithgareddau elusennol 3 - 11,171 11,171 201,369
Incwm arall a dderbynnir o weithgareddau
masnachol 4 - 2,879 2,879 4,588
Buddsoddiadau – Llog - 759 759 2,501
--------- ------------ ------------ ------------
Cyfanswm Adnoddau a dderbynnir 40,038 1,063,278 1,103,316 1,288,482
--------- ------------ ------------ ------------
ADNODDAU A WARIWYD
Costau cynhyrchu incwm gwirfoddol 5 - 4,242 4,242 2,220
Gweithgareddau elusennol 6 54,528 820,729 875,257 1,343,051
-------- ------------ ------------ --------------
Cyfanswm adnoddau a wariwyd 54,528 824,971 879,499 1,345,271
-------- ------------ ------------ --------------
Incwm / (Gwariant) am y flwyddyn – net
cyn treth a throslwyddiadau (14,490) 238,307 223,817 (56,789)
Rhyddhad Treth 7 - - - 75,714
-------- ------------ ------------ --------------
Incwm / (Gwariant) am y flwyddyn – net
ar ol treth (14,490) 238,307 223,817 18,925
-------- ------------ ------------ --------------
Cronfa – dygwyd ymlaen 42,812 722,357 765,169 746,244
----------- ---------- ----------- -----------
Cronfa – cariwyd ymlaen 28,322 960,664 988,986 765,169
====== ====== ====== ======

THEATR GENEDLAETHOL CYMRU

DATGANIAD O SYMUDIADAU ARIANNOL (Incwm a Gwariant)

AM Y FLWYDDYN YN DIWEDDU 31 MAWRTH 2021 – parhad

Ni pharatowyd datganiad ar wahân o incwm a gwariant.

Mae’r nodiadau ar dudalennau 17 i 24 yn ffurfio rhan gyflawn o’r cyfrifon hyn.

THEATR GENEDLAETHOL CYMRU

MANTOLEN AR 31 MAWRTH 2021

ANTOLEN AR 31 MAWRTH 2021
Nodyn 2021 2020
£ £
ASEDAU SEFYDLOG
Asedau Gweladwy a ddefnyddir gan 11 135,989 160,193
yr elusen ---------- ----------
ASEDAU CYFREDOL
Dyledwyr 12 142,892 198,153
Arian yn y banc ac mewn llaw 874,757 643,790
---------- ----------
1,017,649 841,943
CREDYDWYR –symiau’n daladwy o 13 81,277 153,592
fewn blwyddyn ---------- ----------
ASEDAU CYFREDOL NET 936,372 688,351
---------- ----------
CYFANSWM ASEDAU LLAI
CREDYDWYR CYFREDOL NET 1,072,361 848,544
---------- ----------
CREDYDWYR –Symiau’n daladwy 13
mewn dros blwyddyn 83,375 83,375
---------- ----------
ASEDAU NET 988,986 765,169
====== ======
£ £
CRONFEYDD 18
Cronfeydd Anghyfyngedig 960,664 722,357
Cronfeydd Cyfyngedig 28,322 42,812
---------- ----------
988,986 765,169
====== ======

THEATR GENEDLAETHOL CYMRU

MANTOLEN AR 31 MAWRTH 2021

Ar gyfer y flwyddyn a ddaeth i ben 31 Mawrth 2021 roedd hawl gan y cwmni elusennol i gael eithriad o’r gofyniad am archwiliad statudol dan adran 477 o Ddeddf Cwmnïau 2006.

Nid yw’r aelodau wedi ei gwneud yn ofynnol i’r cwmni gael archwiliad o’i gyfrifon ar gyfer y flwyddyn dan sylw yn unol ag adran 476 o Ddeddf Cwmnïau 2006.

Mae’r Ymddiriedolwyr yn cydnabod eu cyfrifoldebau dros y canlynol:

a) sicrhau bod y cwmni’n cydymffurfio ag adrannau 386 a 387 o Ddeddf Cwmnïau 2006 o ran cofnodion cyfrifydda;

b) paratoi datganiadau ariannol sy’n cynnig darlun clir a theg o asedau, atebolrwydd, safle ariannol ac elw ar ddiwedd bob blwyddyn ariannol yn unol â gofynion adrannau 394 a 395 o Ddeddf Cwmnïau 2006.

Mae’r cyfrifon hyn wedi eu harchwilio dan ofynion adran 144 o’r Ddeddf Elusen 2011.

Paratowyd y cyfrifon yn unol â darpariaethau arbennig Rhan 15 Deddf Cwmnïau 2006 sy’n berthnasol i gwmnïau bychain (effeithiol Ionawr 2015).

Arwyddwyd y cyfrifon ar ran y Bwrdd gan:

……………………………………………..

(Cadeirydd)

Efa Gruffudd Jones

Dyddiad: 30/11/2021

THEATR GENEDLAETHOL CYMRU

NODIADAU AR Y CYFRIFON – 31 MAWRTH 2021

1. Polisïau Cyfrifo

a) Sail Cyfrifo

Cafodd y datganiadau ariannol eu paratoi dan y confensiwn prisio hanesyddol ac yn unol â’r Datganiad o Arferion Cymeradwy: Cyfrifyddu ac Adrodd gan Elusennau (SORP FRSSE) a gyhoeddwyd yn Ionawr 2015, y Safon Adrodd Ariannol ar gyfer Endidau Llai (yn effeithiol o Ionawr 2015) a Deddf Cwmnïau 2006.

b) Incwm – Gwirfoddol

Cynhwysir incwm yn y datganiad o sumudiadau ariannol pan fo’r elusen â hawl i gronfa, pan fo’n debygol y bydd yr incwm yn cael ei dderbyn, a phan fydd y swm yn medru cael ei fesur yn ddibynadwy.

Caiff incwm cyfyngedig ei gynnwys mewn cronfa gyfyngedig a’i gyfatebu i’r gwariant. Caiff grantiau cyfalaf sy’n dderbyniadwy eu trin fel credydwyr hirdymor, a’u cynnwys mewn cronfa gyfyngedig sy’n cael ei dibrisio i ffwrdd yn unol â dibrisiant yr asedau.

Incwm – Adnoddau i’w derbyn o weithgareddau elusennol

Cynhwysir adnoddau i’w derbyn o weithgareddau elusennol pan yn ddyledus. Mae’r incwm yn cynnwys gwerthiant tocynnau am berfformiadau o’r cynyrchiadau yn ystod y flwyddyn.

c) Adnoddau a ddefnyddiwyd

Cydnabuwyd costau a threuliau yn y cyfnod pan yn ddyledus. Mae costau’n cynnwys TAW lle nad yw’n bosibl ei hawlio. Mae costau trefn lywodraethu’n cynrychioli’r gost o weinyddu’r elusen a chwrdd â gofynion cyfansoddiadol a statudol. Mae’r gost o gynhyrchu incwm gwirfoddol yn cynrychioli’r gost o gwrdd â gofynion Cyngor Celfyddydau Cymru.

ch) Dibrisio

Mae’r asedau sefydlog wedi eu dibrisio dros eu bywyd defnyddiol ar y cyfraddau canlynol:

Adeiladau prydles – Dros gyfnod y les
Cerbydau – 25%
Cyfrifiaduron ac offer – 33%

Ymrwymwyd i brydles newydd ar y Llwyfan o ddechrau Hydref 2018, am gyfnod o 10 mlynedd. Cyfanswm gwerth y les yw £166,750. Talwyd y swm am y 5 mlynedd gyntaf ar ddechrau’r les, o gronfa brydles y cwmni, ac fe fydd yr ail daliad yn ddyledus ym mis Hydref 2023.

dd) Cronfeydd Cyffredinol

Mae Cronfeydd Cyffredinol yn cynnwys rhoddion ac incwm i’w derbyn, neu a gynhyrchwyd am amcanion yr elusen heb bwrpas arbennig arall ac felly ar gael fel cronfa gyffredinol. Ni osodir amodau allanol ar gronfeydd cyffredinol, ac maent i’w gwario gan yr elusen yn ôl eu hamcanion/bwriadau neu i’w neilltuo tuag at bwrpasau priodol mewnol.

e) Polisi pensiwn

Mae'r cwmni elusennol yn gweithredu cynllun pensiwn cyfraniadau diffiniedig. Mae’r cyfraniadau i’r cynllun pensiwn y cwmni elusennol yn cael ei ddangos ar y Datganiad o Weithgareddau Ariannol yn y cyfnod y maent yn ymwneud ag.

THEATR GENEDLAETHOL CYMRU

NODIADAU AR Y CYFRIFON – 31 MAWRTH 2021 – parhad

2. INCWM GWIRFODDOL A CHYMYNRODDION

Cronfa Cronfeydd Cyfanswm Cyfanswm
Gyfyngedig Anghyfyngedig 2021 2020
£ £ £ £
Grant CCC - 1,040,892 1,040,892 1,029,567
Grantiau prosiect eraill CCC 30,000 1,674 31,674 24,928
Eraill 10,038 - 10,038 500
Rhoddion - 5,903 5,903 25,029
-------- ------------ ------------ ------------
40,038 1,048,469 1,088,507 1,080,024
-------- ------------ ------------ ------------
3. GWEITHGAREDDAU ELUSENNOL
Swyddfa docynnau - 566 566 60,145
Nawdd/Cyd-gynhyrchu - 6,605 6,605 123,720
Incwm o bartneriaethau - 1,000 1,000 9,900
Incwm cyfranogi - 3,000 3,000 7,604
-------- ---------- ---------- ------------
- 11,171 11,171 201,369
-------- ---------- ---------- ------------
4. INCWM ARALL A DDERBYNNIR O WEITHGAREDDAU MASNACHOL
Incwm Adnoddau - - - 760
Incwm gwerthu nwyddau - - - 298
Incwm hysbysebion - - - 800
Arall - 754 754 2,709
Elw ar werthu asedau - 750 750 21
Incwm llogi offer - 1,375 1,375 -
-------- ---------- ---------- ------------
- 2,879 2,879 4,588
-------- ---------- ---------- ------------

THEATR GENEDLAETHOL CYMRU

NODIADAU AR Y CYFRIFON – 31 MAWRTH 2021 – parhad

5. COSTAU O GYNHYRCHU INCWM GWIRFODDOL

Cronfa Cronfeydd
 Cyfanswm Cyfanswm
Gyfyngedig Anghyfyngedig 2021 2020
£ £ £ £
Costau cynnal (Nodyn 8) - 4,242 4,242 2,220
-------- ---------- ---------- ------------
- 4,242 4,242 2,220
-------- ---------- ---------- ------------
6. COSTAU GWEITHGAREDDAU
ELUSENNOL Cronfa Cronfeydd Cyfanswm Cyfanswm
Gyfyngedig Anghyfyngedig 2021 2020
£ £ £ £
Cynyrchiadau 17,442 149,661 167,103 248,498
Marchnata a chyfathrebu - 22,542 22,542 54,777
Ffioedd cynyrchiadau - 80,432 80,432 360,165
Teithio a chynhaliaeth cynyrchiadau - 2,069 2,069 94,276
Costau cynnal (Nodyn 8) 37,086 566,025 603,111 585,335
-------- ------------ ------------ ------------
54,528 820,729 875,257 1,343,051
-------- ------------ ------------ ------------
7. RHYDDHAD TRETH Cronfa
Cronfeydd		 Cyfanswm Cyfanswm
Gyfyngedig Anghyfyngedig 2021 2020
£ £ £ £
Rhyddhad treth - - - 75,714

Nid oedd unrhyw hawliad rhyddhad treth ar gyfer y flwyddyn yn diweddu 31 Mawrth 2021. Cyfanswm hawliad rhyddhad treth ar gyfer y flwyddyn yn diweddu 31 Mawrth 2020 oedd £86,959. O’r swm yma, roedd £11,245 yn ddyledus i gyd-gynhyrchwyr gan adael cyfanswm net i Theatr Genedlaethol Cymru o £75,714.

THEATR GENEDLAETHOL CYMRU

NODIADAU AR Y CYFRIFON – 31 MAWRTH 2021 – parhad

ODIADAU AR Y CYFRIFON – 31 MAWR TH 2021–parhad
8. COSTAU CYNNAL Cronfa Cronfeydd Cyfanswm Cyfanswm
Gyfyngedig Anghyfyngedig
 2021 2020
£ £ £ £
Cyflogau cwmni 4,265 414,161 418,426 386,449
Costau pensiwn - 16,816 16,816 18,936
Teithio a chynhaliaeth cwmni -
6,028		 6,028 18,019
Costau archwilio - 4,000 4,000 3,949
Costau’r bwrdd - 1,975 1,975 1,758
Hyfforddiant - 3,079 3,079 4,349
Costau’r adeilad - 44,053 44,053 42,337
Costau’r swyddfa - 34,159 34,159 31,347
Costau proffesiynol 10,000 28,848 38,848 38,578
Costau banc a manion - 473 473 705
Dibrisio – cerbydau ac offer 22,821 - 22,821 24,453
Dibrisio - prydles 16,675 16,675 16,675
---------- ----------- ---------- ----------
37,086 570,267 607,353 587,555
---------- ---------- ---------- ----------
9. COSTAU STAFF CRAIDD
Costau Cyflogau
2021 2020
£ £
Staff craidd 384,953 355,089
Yswiriant Gwladol y Cyflogwr 33,473 31,360
Costau pensiwn staff craidd 16,816 18,936
----------- -----------
435,242 405,385
----------- -----------

Ar gyfartaledd, cyflogwyd 10 aelod o staff craidd llawn amser (2020: 9) a 5 aelod o staff rhan amser (2020:4) yn ystod y flwyddyn.

Ni enillodd yr un aelod o staff cyflogedig fwy na £60,000 yn y blynyddoedd 2020/21 na 2019/20.

THEATR GENEDLAETHOL CYMRU

NODIADAU AR Y CYFRIFON – 31 MAWRTH 2021 – parhad

10. Cymhariaeth ar gyfer Datganiad o Weithgareddau Ariannol am y flwyddyn yn diweddu 31 Mawrth 2020

Cronfa Cronfeydd Cyfanswm
Nodyn Gyfyngedig Anghyfyngedig
£ £ £
INCWM A GWADDOLION
Incwm gwirfoddol a chymynroddion 2 24,928 1,055,096 1,080,024
Gweithgareddau elusennol 3 - 201,369 201,369
Incwm arall a dderbynnir o weithgareddau
masnachol 4 - 4,588 4,588
Buddsoddiadau – Llog banc - 2,501 2,501
--------- ------------ ------------
Cyfanswm Adnoddau a dderbynnir 24,928 1,263,554 1,288,482
--------- ------------ ------------
ADNODDAU A WARIWYD
Costau cynhyrchu incwm gwirfoddol 5 - 2,220 2,220
Gweithgareddau elusennol 6 49,381 1,293,671 1,343,052
-------- ------------ ------------
Cyfanswm adnoddau a wariwyd 49,381 1,295,891 1,345,272
-------- ------------ ------------
Incwm / (Gwariant) am y flwyddyn – net
cyn treth (24,453) (32,336) (56,789)
Trosglwyddiadau gros rhwng cronfeydd (7,687) 7,687 -
Rhyddhad Treth 7 - 75,714 75,714
-------- ------------ ------------
Incwm / (Gwariant) am y flwyddyn – net
ar ol treth (32,140) 51,065 18,925
-------- ------------ ------------
Cronfa – dygwyd ymlaen 74,952 671,292 746,244
----------- ---------- -----------
Cronfa – cariwyd ymlaen 42,812 722,357 765,169
====== ====== ======

THEATR GENEDLAETHOL CYMRU

NODIADAU AR Y CYFRIFON – 31 MAWRTH 2021 – parhad

11. ASEDAU SEFYDLOG

. ASEDAU SEFYDLOG
Eiddo ar Cerbydau Offer a Offer Offer Cyfanswm
les byr Dodrefn Cyfrifiadurol Technegol
a System
Ffôn
£ £ £ £ £ £
Cost
Balans a ddygwyd ymlaen 166,750 63,420 160,352 34,331 10,592 435,445
Ychwanegiadau - - - 7,323 7,968 15,291
-
Gwaredwyd - (13,064) - - (13,064)
--------- --------- --------- --------- --------- ---------
Balans a gariwyd ymlaen 166,750 50,356 160,352 41,654 18,560 437,672
--------- --------- --------- --------- --------- ---------
Dibrisio
Balans a ddygwyd ymlaen 25,013 55,208 160,352 25,730 8,948 275,251
Cost y flwyddyn 16,675 8,212 - 10,309 4,300 39,496
Gwaredwyd (13,064) - (13,064)
--------- --------- --------- --------- --------- ---------
Balans a gariwyd ymlaen 41,688 50,356 160,352 36,039 13,248 301,683
--------- --------- --------- --------- --------- ---------
Gwerth yn y llyfrau
31 Mawrth 2021 125,062 - - 5,615 5,312 135,989
======= ======= ====== ======= ======= =======
31 Mawrth 2020 141,737 8,212 - 8,600 1,644 160,193
======= ======= ====== ======= ======= =======

Defnyddiwyd yr holl asedau gan yr elusen ar gyfer gweithgareddau elusennol parhaol.

THEATR GENEDLAETHOL CYMRU

NODIADAU AR Y CYFRIFON – 31 MAWRTH 2021 – parhad

ODIADAU AR Y CYFRIFON – 31 MAWRTH 2021 – parhad
12. DYLEDWYR
2021 2020
£ £
Dyledwyr masnachol 27,882 73,202
Taliadau ymlaen llaw 20,430 19,878
Dyledwyr eraill - 10,160
TAW 7,538 7,954
Rhyddhad Treth 87,042 86,959
---------- ----------
142,892 198,153
====== ======
13. CREDYDWYR – Symiau’n daladwy ymhen blwyddyn
2021 2020
£ £
Credydwyr masnachol 36,452 63,571
Costau wedi cronni 13,994 57,974
Trethi ac yswiriant gwladol 9,764 10,887
Credydwyr eraill 15,067 19,160
Incwm gohiriedig 6,000 2,000
------------ ------------
81,277 153,592
======= ======
13. CREDYDWYR – Symiau’n daladwy ar ol 12 mis
2021 2020
£ £
Lês 83,375 83,375
======= =======

14. TRETH

Mae’r elusen yn rhydd o dalu treth gorfforaethol ar ei gweithgareddau elusennol.

15. TALIADAU A BUDD-DALIADAU’R YMDDIRIEDOLWYR

Derbyniodd un Ymddiriedolwr, Mr Arwel Gruffydd, dâl a budd-daliadau treuliau yn ystod y flwyddyn a ddaeth i ben ar 31 Mawrth 2021, fel y caniateir gan ddogfen lywodraethol yr elusen. Derbyniodd gyflog o £59,087 yn sgil ei swydd fel Cyfarwyddwr Artistig yr elusen a chyfrannodd y Theatr £2,940 i’r Gronfa Bensiwn ar ei ran. Ni dderbyniodd unrhyw dâl yn sgil ei rôl fel Ymddiriedolwr.

16. TREULIAU’R YMDDIRIEDOLWYR

Ni dderbyniodd Ymddiriedolwyr ad-daliadau treuliau yn ystod y flwyddyn a ddaeth i ben 31 Mawrth 2021 (2019/20: £1,758). Roedd yr ad-daliadau i ddigolledu’r Ymddiriedolwyr am eu costau teithio, cynhaliaeth, llety a chostau eraill yn ymwneud â mynychu cyfarfodydd yr elusen. Y nifer o Ymddiriedolwyr a dderbyniodd addaliad yn ystod y flwyddyn oedd 0 (2019/20:10).

17. DATGANIAD O’R ASEDAU NET RHWNG Y CRONFEYDD

Cronfeydd Cronfeydd Cyfanswm Cyfanswm
Cyfyngedig Anghyfyngedig 2021 2020
£ £ £ £
Asedau Sefydlog 10,927 125,062 135,989 160,193
Arian yn y banc ac mewn llaw 19,266 855,491 874,757 643,790
Dyledwyr - 142,892 142,892 198,153
Credydwyr (1,871) (162,781) (164,652) (236,967)
----------- ----------- ----------- -----------
28,322 960,664 988,986 765,169
====== ====== ====== ======

18. SYMUDIADAU YN Y CRONFEYDD

Balans Adnoddau a Adnoddau a Rhyddhad Trosglwyddo Balans
d/y dderbyniwyd Wariwyd Treth c/y
01/04/202 31/03/202
0 1
£ £ £ £ £ £
Cronfeydd Cyfyngedig
- Cronfa Gyfalaf 42,812 4,773 (22,821) - - 24,764
- Cronfa Refeniw - 35,265 (31,707) - - 3,558
Cronfeydd
Anghyfyngedig
- Cronfa Wrth Gefn 195,000 - - - - 195,000
- Cronfa Brydles 213,197 - (16,675) - 16,307 212,829
- Cronfa Gyfalaf 68,951 - - - 10,000 78,951
- Cronfa Rydd 245,209 1,063,278 (808,296) - (26,307) 473,884
---------- ------------ ------------ ---------- ---------- ----------
765,169 1,103,316 (879,499) - - 988,986
====== ======= ======= ====== ====== ======

Polisi Cronfa wrth Gefn

Cedwir swm o £195,000 wrth gefn (y swm i’w adolygu’n flynyddol) ar gyfer amgylchiadau eithriadol na ellir eu rhagweld.

Mae’r Gronfa Anghyfyngedig yn cynnwys swm o £212,829 a glustnodwyd ar gyfer talu am brydles newydd yn Y Llwyfan ar ôl diwedd Mawrth 2021. Penderfynodd yr Ymddiriedolwyr i neilltuo £35,000 i’r diben hwn yn 2019/20 a £35,000 y flwyddyn hyd at 2022/23. Mae’r Gronfa Anghyfyngedig hefyd yn cynnwys swm o £78,951 sydd wedi neilltuo ar gyfer gwariant cyfalaf yn y dyfodol.

Mae gan y cwmni ddwy gronfa gyfalaf – un gyfyngedig, o ganlyniad i dderbyn cymhelliant ariannol wrth leoli’r cwmni yn ei leoliad presennol, ac un anghyfyngedig. Mae unrhyw wariant cyfalaf ar offer yn cael ei wneud o’r gronfa gyfyngedig ar hyn o bryd, nes i’r gronfa honno ddod i ben. Cytunodd yr Ymddiriedolwyr i neilltuo swm o £10,000 y flwyddyn i’r gronfa anghyfyngedig o 2018/19 ymlaen er mwyn adnewyddu a buddsoddi mewn offer newydd yn y dyfodol.

19. DIGWYDDIADAU AR ÔL DYDDIAD Y FANTOLEN

Mae COVID19 yn parhau i effeithio ar weithgareddau Theatr Genedlaethol Cymru ar ôl dyddiad y fantolen, ond mae’r Bwrdd yn ffyddiog fod y cynllun sydd mewn lle ar gyfer y flwyddyn 2021/22 yn ateb gofynion y grant craidd.

Er bod y sefyllfa bresennol yn sgil COVID-19 yn dal i beri peth ansicrwydd, , mae’r ymddiriedolwyr yn ffyddiog na ddylai hyn effeithio ar werth net asedau a chredydwyr ar 31 Mawrth 2021. Mae’r ymddiriedolwyr hefyd o’r farn bod y cronfeydd wrth gefn yn diogelu dyfodol yr elusen am gyfnod o 12 mis wedi dyddiad y cyfarfod blynyddol.